Алексей Песошин гражданлык авиациясе хезмәткәрләрен һөнәри бәйрәмнәре белән котлады

Бүген Татарстан Премьер-министры вазифаларын башкаручы – ТР Хөкүмәте рәисенең беренче урынбасары Алексей Песошин Россия гражданлык авиациясенең барлык хезмәткәрләрен һөнәри бәйрәмнәре белән котлады.

“Сезне Татарстан Республикасы Хөкүмәте һәм шәхсән үз исемемнән Россия гражданлык авиациясе көне белән ихлас күңелдән котлыйм!

Бүген гражданлык авиациясе илнең һәм республиканың икътисади үсешендә зур роль уйный. Безнең авиация предприятиеләрендә пассажирлар һәм йөк ташу буенча югары социаль җаваплылык ята. Куелган максатларга ирешүдә омтылышлы булулары сезнең һөнәр ияләрен башкалардан аерып тора. Сезнең көндәлек фидакарь хезмәтегез җаваплылык, белемлелек, иң катлаулы хәлләрдән чыгу юлларын таба белүне таләп итә.

Тармакның төп бурычы үзгәрешсез кала – халыкка сыйфатлы хезмәт күрсәтү. Ышанам, очучы экипажлар, диспетчерлар һәм аэропорт комплексының барлык хезмәткәрләре билгеләнгән максатларны тормышка ашыру һәм пассажирларның ышанычын аклау өчен барлык көчләрен куеп эшләрләр.

Бу бәйрәм көнендә тармак ветераннарын, гражданлык авиациясе предприятиеләренең җитәкчеләрен һәм барлык хезмәткәрләрне һөнәри бәйрәмнәре белән котлыйм. Һөнәрегезгә тугры булуыгыз һәм лаеклы хезмәтегез өчен сезгә рәхмәт белдерәм. Чын күңелемнән сезгә һәм сезнең якыннарыгызга нык сәламәтлек, аяз күк йөзе, яхшы һава торышы һәм эшегездә уңышлар телим!”.
Татарстан Республикасы Премьер-министры вазифаларын башкаручы А.В.Песошин.