Татарстан Хөкүмәте Йортында Горбунов ис. Казан авиацион җитештерү берләшмәсе үсеше мәсьәләләре буенча киңәшмә узды

2010 елның 17 апреле, шимбә
Бүген "Берләшкән авиатөзелеш корпорациясе" ААҖ президенты Алексей Фёдоровның Казанга эшлекле сәфәре кысаларында Татарстан Республикасы Хөкүмәте Йортында Татарстан Президенты Рөстәм Миңнеханов белән киңәшмә узды.

Киңәшмәдә "С.П.Горбунов ис. Казан авиацион җитештерү берләшмәсе" ААҖнең җитештерү базасы һәм социаль инфраструктурасы комплекслы үсеше мәсьәләләре турында сүз барды.

Алексей Фёдоров һәм Рөстәм Миңнеханов авиатөзелеш комплексы өлкәсендәге проектларга ярдәм итү турында сөйләште.

Киңәшмәдә Горбунов ис. Казан авиацион җитештерү берләшмәсен заказлар белән тәэмин итү мәсьәләсе дә күтәрелде.

Әлеге киңәшмәнең нәтиҗәсе - якын киләчәктә төзеләсе Татарстан Республикасы Хөкүмәте һәм "Берләшкән авиатөзелеш корпорациясе" ААҖ арасындагы килешү. Ул "Горбунов ис. Казан авиацион җитештерү берләшмәсе" ААҖн үстерүне күздә тота.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International