Татарстан Республикасы Хөкүмәте

Татарстан Дәүләт Советы ТР Хөкүмәте вице-премьерлары кандидатураларын раслады

2010 елның 22 апреле, пәнҗешәмбе

Татарстан Дәүләт Советы депутатлары бүген республика Президенты тәкъдим иткән ТР Хөкүмәте вице-премьерлары кандидатураларын раслады. Парламент депутатлары тәкъдим ителгән һәр 6 кандидатураны да күпчелек тавыш белән раслады.

Татарстан Парламенты беренче вице-премьер Равил Моратов, вице-премьер – ТР авыл хуҗалыгы һәм азык-төлек министры Марат Әхмәтов, вице-премьер – ТР энергетика министры Илшат Фәрдиев, вице-премьер – ТР мәгълүматлаштыру һәм элемтә министры Николай Никифоров, вице-премьер – мәдәният министры Зилә Вәлиева, вице-премьер – ТР Министрлар Кабинеты Аппараты җитәкчесе Шамил Гафаров кандидатураларын раслады.

Исегезгә төшерәбез: дүртенче чакырылыш Дәүләт Советы депутатлары 10нчы сессиядә бүген Илдар Халиковны Татарстан Премьер-министры вазифасында раслады. Алга таба исә министрлар Премьер-министр тәкъдиме белән ТР Президенты указлары нигезендә расланачак – парламент белән килешү инде кирәк түгел.

“Без бүген республикабызның яңа Хөкүмәтен бик тиз формалаштырдык. Мин яңа Президент буларак сезгә ярдәмегез өчен рәхмәтемне җиткерәм. Алга таба бергә эшләрбез дигән өметтә калам”, - дип мөрәҗәгать итте бүген депутатларга ТР Президенты Рөстәм Миңнеханов.

Үз чиратында ТР Дәүләт Советы Рәисе Фәрид Мөхәммәтшин яңа Хөкүмәткә “уңышлы, актив һәм үтемле итеп эшләвен” теләде.

"Татар-информ" мәгълүмат агентлыгы

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстан Хөкүмәте Йортында Гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясе утырышы узды

Бүген ТР Хөкүмәте Йортында Татарстан Республикасы Гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясе узды. Утырышны комиссия рәисе урынбасары – Татарстан Республикасы Премьер-министрының беренче урынбасары Рөстәм Нигъмәтуллин үткәрде. Видеоконференцэлемтә режимында узган утырышта шәһәр округлары һәм муниципаль районнар комиссияләре рәисләре һәм әгъзалары, оешмалар җитәкчеләре катнашты.

декабрь, 2025 ел

ТР Хөкүмәте Йортында бәйрәмнәр вакытында юл хезмәтләренең һәм торак-коммуналь өлкәнең өзлексез эшләвен тәэмин итү мәсьәләләре буенча брифинг узды

ТР Хөкүмәте Йортында Яңа ел каникуллары вакытында юл хезмәтләренең һәм торак-коммуналь өлкәнең өзлексез эшләвен тәэмин итү мәсьәләләре буенча брифинг узды.

декабрь, 2025 ел

Алексей Песошин «Ел җитәкчесе" конкурсында: Татарстан җаваплылыктан курыкмый торган булдыклы һәм инициативалы кешеләргә бай

«Ел җитәкчесе» республика иҗтимагый конкурсы инде Яңа ел алдыннан күркәм традициягә әверелде, без узып баручы ел казанышларын билгеләп үтәбез һәм республиканың социаль-икътисадый үсешенә иң зур өлеш керткән предприятие һәм оешмаларның иң яхшы җитәкчеләрен хөрмәтлибез. Бу хакта бүген Татарстан Премьер-министры Алексей Песошин «Корстон» мәдәни-күңел ачу комплексында узган конкурс лауреатларын бүләкләү тантанасында хәбәр итте. Чарада Татарстан Рәисе Рөстәм Миңнеханов катнашты.

Алексей Песошин «Теләкләр чыршысы» гамәле кысаларында дүрт баланың хыялларын тормышка ашырачак

Татарстан Премьер-министры Алексей Песошин «Теләкләр чыршысы» гамәлендә катнашты. Бүген җиденче чакырылыш Татарстан Республикасы Дәүләт Советының 17 нче утырышы кысаларында Бөтенроссия хәйрия гамәленең чираттагы чарасы узды.

ЯҢАЛЫКЛАРГА ЯЗЫЛУ