Татарстан белән Башкортстан бергә транспорт элемтәсен үстерүдә эшләячәк

Татарстан белән Башкортстан бергә ике республика арасында транспорт элемтәсен үстерүдә эшләячәк. Бу хакта бүген Уфада очрашуда ике республика башлыклары Рөстәм Миңнеханов белән Рөстәм Хәмитов белдерде.

Рөстәм Миңнеханов журналистларның Казан белән Уфа арасындагы транспорт элемтәсен үстерү перспективалары турындагы соравына җавап биреп, хәзерге вакытта Татарстанда “Шәле-Баулы” автомагистраленең “Ауропа-Көнбатыш Кытай” транспорт коридоры участогы төзелеше проекты гаимәлгә ашырыла дип белдерде. “Бу безнең республикалар өчен уңайлы магистраль булачак, - дип белдерде Рөстәм Миңнеханов. - Әмма моңа карамастан, бизнес үсәчәк, әлбәттә, авиация рейслары һәркем файдалана алырлык булырга тиеш.

“Без бу тема буенча аерым фикер алышачакбыз, әлегә бу мәсьәләне ничек хәл итү хакында әйтергә кыен, әмма Казан белән Уфа арасында автомобиль юлы кирәк, - дип ассызыклады Татарстан Президенты.

Шул ук вакытта Башкортстан башлыгы Рөстәм Хәмитов сүзләренчә, “Казан-Уфа” юлын төзекләндерү эшләре башланган, федераль үзәк бу максатларга ресурс бүлеп бирә. “Без Татарстан белән федераль үзәктән акча алу өчен көч куячакбыз”, - дип белдерде Р.Хәмитов.

Аның сүзләренә караганда, хәзер Башкортстанда төбәк авиациясе программасы гамәлгә куела.