Рөстәм Миңнеханов Россия Тышкы эшләр министрлыгына Россия Федерациясенең Төркиядәге Илчесен Андрей Карловны үтерү сәбәпле кайгыларын уртаклашу сүзләре белән телеграмма юллады
Татарстан Республикасы Президенты Рөстәм Миңнеханов Россия Федерациясе тышкы эшләр министры Сергей Лавровка Россия Федерациясенең Төркия Республикасындагы Гадәттән тыш һәм Тулы вәкаләтле Илчесен Андрей Геннадьевич Карловны Анкарада үтерү сәбәпле кайгыларын уртаклашу сүзләре белән телеграмма юллады.
"Хөрмәтле Сергей Викторович! Шәхсән үземнән һәм Татарстан Республикасы халкыннан Россия Федерациясенең Төркия Республикасындагы Гадәттән тыш һәм Тулы вәкаләтле Илчесен Андрей Геннадьевич Карловны Анкарада вәхши үтерү сәбәпле иң тирән һәм ихлас күңелдән кайгыгызны уртаклашу сүзләрен кабул итегез, - диелгән телеграммада. - Россиянең халыкара дәрәҗәсен ныгытуга һәм тышкы элемтәләрен үстерүгә лаеклы өлеш керткән гаҗәеп кеше һәм күренекле дипломатның тормышы фаҗигале рәвештә өзелде. Аның эшчәенлеге һәрвакыт ватанына карата ихлас мәхәббәт, аны көчле һәм чәчәк ата торган итеп күрергә теләү белән сугарылган иде. Андрей Геннадьевич абруе һәм профессиональлеге безгә, татарстанлыларга да Россия-Төркия мөнәсәбәтләре кысаларында Татарстан Республикасы белән Төркия Республикасы арасындагы күп кырлы хезмәттәшлеген үстерү буенча актуаль дәүләт бурычларын хәл итәргә ярдәм итә иде.
Андрей Геннадьевич гаиләсе, туганнары һәм якыннарын, дипломатик корпус һәм Россия җәмәгатьчелеге алмаштыра алмаслык югалту кичерде. Карлова Марина Михайловнага, гаиләгә һәм якыннарына, һәлак булган дипломат белән бергә эшләүчеләргә бездән кайгыларын эчкерсез уртаклашу сүзләрен әйтүегезне сорыйбыз. Чиксез хәсрәтләнәбез, Андрей Геннадьевич туганнары белән алмаштыра алмаслык югалтуларыннан кайгыларын уртаклашабыз. Ышанабыз, хакыйкать билгеле булачак, җинаятьне оештыручылар явызлыклары өчен лаеклы җәза алачаклар, ә террорчылык белән килешмәслек көрәш дәвам итәчәк.
Андрей Геннадьевич турында чиста хатирә мәңгегә аны белгән кешеләр йөрәкләрендә сакланачак.
Татарстан Республикасы Президенты Р.Н.Миңнеханов".