Универсиада авылында яшәүчеләрне “Дакар” ралли партнеры кайнар ризык белән тәэмин итәргә ниятли

Универсиада авылынды яшәүче студентларны һәм спортчыларны кайнар ризык белән тәэмин итү белән корпоратив җәмәгатьчелек туклануын тәэмин итү өлкәсендә Ауропаның эре компанияләренең берсе “Sodexo” шөгыльләнергә мөмкин. Бүген “Дакар” ралли-рейдында катнашучыларны тукландыру белән тәэмин итү белән шөгыльләнүче компаниянең мөмкинлекләрен Татарстан Президенты Рөстәм Миңнехановка тәкъдим иттеләр.

Тәкъдим итү Казан студентлар корпусы кампусында булды, биредә кунаклар Франция компаниясе ашларын үзләре татып карады.

“Sodexo” компаниясе вәкилләре белдерүенчә, алар “Дакар” ралли-рейдының күп еллык партнеры булып тора. Татарстанда “Sodexo” көн саен “КАМАЗ” хезмәткәрләрен 22 мең төшке аш белән тәэмин итә, шулай ук Чаллы ашыгыч медицина ярдәме хастаханәсе пациентларын тукландыра.

Компания тарафыннан эшләнгән Универсиада авылында даими яшәүче студентларны ризык белән тәэмин итү концепциясе өч зал булдырудан гыйбарәт. Алар шартлы рәвештә “Тоскана”, “Прованс” һәм “Казан” дип аталачак, анда италия һәм татар ризыклары тәкъдим ителәчәк. Гомумән алганда, бу өч зал көн саен 1110 студентны ризык белән тәэмин итә ала. Шулай ук төзелә торган Халыкара мәгълүмат үзәгендә тагын 2800 студентны ашату ниятләнә. Хезмәткәрләрне республикадан җәлеп итү һәм ризыклар өчен ингредиентларны Татарстанда алу ниятләнә.

Универсиада авылында 11 меңнән артык студентны урнаштыру ниятләнә, шул сәбәпле тукландыру пунктын киңәйтергә кирәк, дип билгеләп үтте Татарстан Президенты Рөстәм Миңнеханов. Аның сүзләренә караганда, Универсиада вакытында кайнар ризык белән тәэмин итү иң катлаулы һәм иң актуаль мәсьәлә булачак. Шуңа күрә студентлар Уеннарына кадәр тәҗрибә җыю өчен бу көндәлек эшне җайга салырга кирәк. Универсиада вакытында көн саен 100 меңгә кадәр аш-су әзерләргә кирәк булачак.

“Төп бурыч – файдалы һәм сыйфатлы ризык әзерләү”, - дип ассызыклады Рөстәм Миңнеханов. Татарстан Президенты фикеренчә, бары тик җайга салынган системалы һәм катгый стандартлы эре компанияне җәлеп итү генә даими рәвештә югары сыйфатлы ризык белән тәэмин итәргә мөмкинлек бирәчәк.

Рөстәм Миңнеханов “Sodexo” компаниясенә “Түбән Кама Шин” ААҖ һәм “ТАНЕКО” заводы хезмәткәрләре туклануын тәэмин итү буенча “Татнефть” компаниясе белән хезмәттәшлек итү мәсьәләсе буенча фикер алышырга тәкъдим итте. Шулай ук Татарстан Президенты ТР Сәламәтлек министрлыгына һәм республика вузларына “Sodexo” компаниясе катнашында Татарстан хастаханәләре һәм университетларында кайнар ризык белән тәэмин итү мөмкинлеген карауны йөкләде