Татарстан Республикасы Хөкүмәте

ТР Президенты “Динамо-Казан” туплы хоккей клубын Россия чемпионатында җиңү яулавы белән котлады

2011 елның 30 марты, чәршәмбе

ТР Президенты Рөстәм Миңнеханов үз тарихында беренче тапкыр Россия чемпионы исемен яулаган “Динамо-Казан” туплы хоккей клубы уенчыларына, тренерлар штабы һәм җитәкчеләренә котлау телеграммасы юллады.

“Динамо-Казан” коллективына, “Динамо” физкультура-спорт җәмгыяте иҗтимагый дәүләт оешмасы советы рәисе Әсгать Сәфәров, клуб президенты Дмитрий Самаренкин, баш тренер Владимир Янко исеменә адресланган котлауда мондый юллар бар.

“Барыгызны да 2010-2011 елгы сезонда Россия чемпионатында ышанычлы җиңү яулавыгыз белән котлыйм. Көрәшнең гадел һәм ачык үтүе сезнең уңышны аеруча лаеклы итә. Югары һөнәри осталыкка ия фикердәшләрнең җайга салынган хезмәттәшлеге нәтиҗәсендә, клуб тарихында беренче тапкыр ил чемпионы исемен яулаган Татарстан туплы хоккей осталарының җиңүләр елъязмасына яңа якты сәхифә өстәлде. Җиңүгә йөз тоткан бердәм команданы әзерләгән талантлы һәм тәҗрибәле тренер Владимир Владимирович Янконың хезмәте аерым рәхмәткә лаек.

Барлык хоккейчыларга, тренерларга, клуб менеджерлары һәм белгечләренә яхшы эшчәнлек, югары нәтиҗәләр өчен рәхмәт. “Нәфис-косметикс” компаниясенә республикада туплы хоккей үсешенә керткән лаеклы өлеше өчен рәхмәт.

Татарстанлылар, шәхсән үз исемемнән барыгызга да ныклы сәламәтлек, бәхет, яңа зур казанышлар теләп калам”, - диелә ТР Президенты юллаган котлау телеграммасында.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ