Казанга Новосибирск өлкәсе делегациясе эш визиты белән килде
Казанга Новосибирски өлкәсе губернаторы Василий Юрченко җитәкчелегендә делегация өч көнлек эш визиты белән килде.
Делегацияне “Казан” халыкара аэропортында Татарстан Республикасы Президенты Рөстәм Миңнеханов, ТР Премьер-министрының беренче урынбасары Равил Моратов, Тышкы элемтәләр департаменты директоры – ТР Президентының халыкара мәсьәләләр буенча ярдәмчесе Искәндәр Мөфлиханов һ.б. каршы алды.
Новосибирски өлкәсе делегациясе составында – Сәнәгать, сәүдә һәм эшмәкәрлекне үстерү министрлыгы, Икътисади үсеш министрлыгы, Мәдәният министрлыгы, Мәгариф, фән һәм инновацион сәясәт министрлыклары һәм өлкә башкаручы хакимиятенең башка структуралары вәкилләре.
Казанга эш визитының программасы бай эчтәлекле. Бүген кунакларга 2013 елгы Универсиадага әзерлек барышы белән таншытыру һәм спорт инфраструктурасы объектларын күрсәтү, “Электрон Татарстан”, “ТР Электрон Хөкүмәт” проектларын тәкъдим итү, федераль электрон сәүдә мәйданчыгы эшен күрсәтү ниятләнә. Аннары Новосибирски өлкәсе делегациясе әгъзалары энергия саклаучы технологияләр кулланып төзелгән торак йортларны карачак.
Бүген көннең икенче яртыссында Татарстан Республикасы белән Новосибирски өлкәсе арасында сәүдә-икътисад, фәнни-техник, социаль һәм мәдәни хезмәттәшлек турындагы килешү имзалау ниятләнә. Моннан тыш, Россия Фәннәр академиясе Себер бүлегенең Г.К.Боресков исемендәге Катализм институты белән “Татнефтехиминвест-холдинг” ААҖ арасында фәнни-техник хезмәттәшлек турындагы килешүне имзалау планшлаштырылган.
Чәршәмбе, 8 июньдә, “ТАНЕКО” ААҖ һәм “Алабуга” махсус икътисади зонасында булу каралган.