ЯҢАЛЫКЛАР
Бүген Татарстан Республикасы Президенты Рөстәм Миңнеханов Алтай Республикасына эш сәфәре кысаларында «Алтай – Евразия үзәге» истәлекле тамгасында булды. Аны Алтай Республикасы Башлыгы Александр Бердников озата йөрде.
Истәлекле тамга Татарстанда эшләнгән һәм Алтай Республикасына 2006 елда Алтай халкының Россия составына керүенә 250 ел тулу уңаеннан бүләк ителгән. Авторлары – Татарстан Республикасы осталары. Тамга Алтай Республикасының административ чигендә Катунь елгасы ярында урнаштырылган.
Бүген Татарстан Республикасы Президенты Рөстәм Миңнеханов Алтай краена эш сәфәре кысаларында «Белокуриха-2» туризм комплексында булды.
Белокуриха шәһәрендәге шифаханә-ял йорты үткән гасырның 70-80 елларында оештырылган. Дистәләгән шифаханә һәм савыктыру үзәкләре туристларны үзенә тартып тора: 2016 елда монда 230 меңләп кеше булып киткән. Шуңа бәйле рәвештә туризм инфраструктурасын яңарту зарурияте килеп туган. Шәһәр эчендә яңа объектлар төзү мөмкинлеге булмаганга күрә, төзелеш «Белокуриха-2»дә башланган.
Бүген Татарстан Республикасы Президенты Рөстәм Миңнеханов Барнаул шәһәренә (Алтай крае) эш сәфәре кысаларында Алтай крае губернаторы Александр Карлин белән очрашты.
Очрашуда шулай ук Татарстан Республикасы Премьер-министры урынбасары Васил Шәйхеразыев, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы экология һәм табигать ресурслары министры Фәрид Габделганиев, Туризм буенча Татарстан Республикасы Дәүләт комитеты рәисе Сергей Иванов, «Татнефть» ГАҖ генераль директоры Наиль Маһанов, «Сетевая компания» ААҖ генераль директоры Илшат Фәрдиев катнашты.
Бүген Татарстан Республикасы Президенты Рөстәм Миңнеханов Алтай краена эш сәфәре кысаларында Барнаулда Алтай крае татарларының милли-мәдәни автономиясе активы белән очрашты.
Барнаулның Җәмыгъ мәчетендә узган очрашуда Татарстан Республикасы Премьер-министры урынбасары, «Милли шура» башлыгы Васил Шәйхеразыев, Татарстан Республикасы Президентының халыкара мәсьәләләр буенча киңәшчесе Радик Гыйматдинов, һәм Алтай крае Хөкүмәте Рәисе урынбасары Николай Чиняков катнашты.
Бүген Татарстан Республикасы Президенты Рөстәм Миңнеханов эш сәфәре белән Барнаулга (Алтай крае) килде. Г.С.Титов ис. Барнаул халыкара аэропортында аны Алтай крае Хөкүмәте Рәисе урынбасары Николай Чиняков каршы алды.
Бүген үк Татарстан Президенты Алтай крае губернаторы Александр Карлин белән очрашачак, очрашуда төбәкара хезмәттәшлек перспективалары каралачак. Шулай ук Рөстәм Миңнеханов Алтай крае татарларының милли-мәдәни автономиясе активы белән дә очрашырга ниятли.
Бүген Татарстан Республикасы Президенты Рөстәм Миңнеханов бөек рус язучысы – Казан университетының иң атаклы студентларыннан берсе Лев Толстойның тууына 189 ел тулу уңаеннан Казан федераль университеты адресына котлау телеграммасы җибәрде.
Бүген, гадәткә кергәнчә, Танкистлар көне алдыннан Казан югары хәрби команда (танк) училищесында беренче курс курсантларының хәрби ант кабул итү тантанасы узды. Антны 110 кеше кабатлады.
Татарстан Президенты һәм ТР Хөкүмәте исеменнән команда җитәкчелеген, училищеның профессор-укытучылар һәм шәхси составын республика Премьер-министры Алексей Песошин котлады.
Бүген Татарстан Республикасы Президенты Рөстәм Миңнехановка Коры җир гаскәрләре Главнокомандующие истәлекле тамгасы тапшырылды.
Тантана Татарстан Республикасы Хөкүмәте Йортында узды.
Бүгенгә Татарстанда бөртекле культураларны җыю 78%ка үтәлгән – 1,2 млн. га суктырылган. Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов шул турында хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.
Дәүләт торак күзәтчелеге инспекциясе тарафыннан күп фатирлы йортларга 43 муниципаль берәмлектә 3 мең 122 тикшерү уздырылган, аның нәтиҗәләре буенча 17 муниципаль берәмлектә карар 54 факт ачылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.