ЯҢАЛЫКЛАР
Екатеринбургта 9-13 июльдә узган “Иннопром-2017” халыкара сәнәгать күргәзмәсендә килешүләр имзаланды. Бу хакта бүген ТР Министрлар Кабинетында узган брифингта ТР сәнәгать һәм сәүдә министры Альберт Кәримов хәбәр итте.
Бүген Татарстан Республикасы Президенты Рөстәм Миңнеханов Казан шәһәрендә татар халкының милли бәйрәме Сабантуйда катнашты. Чара гадәттәгечә Мирный бистәсе Каенлыгында узды.
Татарстан Республикасы Президентын Татарстан Республикасы Президенты Аппараты Җитәкчесе Әсгать Сәфәров, Казан мэры Илсур Метшин озата йөрде. Физик тәрбия һәм спорт өчен җаваплы министрларның һәм иң югары вазыйфаи затларның VI халыкара конференциясендә (МИНЕПС) катнашучылар бәйрәмнең мәртәбәле кунаклары булды, аерым алганда, ЮНЕСКО генераль директоры урынбасары Нада Әл Нәшиф.
Татарстанда терлек азыгы әзерләүнең барышы турында ТР Хөкүмәте йортында узган киңәшмәдә Татарстанның Премьер-министр урынбасары - Татарстан авыл хуҗалыгы һәм азык-төлек министры Марат Әхмәтов җиткерде.
Киңәшмә барлык муниципаль районнар белән видеоконференция режимында үтте. Аны Татарстан Президенты Рөстәм Миңнеханов уздырды.
Киңәшмәдә Татарстан Премьер-министры Алексей Песошин катнашты.
Татарстан Республикасы Президенты Рөстәм Миңнеханов бүген муниципаль районнар башлыкларын парк һәм скверларда тәртип саклауны игътибарда тотарга өндәде.
Бу хакта ул ТР Хөкүмәте Йортындагы республика киңәшмәсендә белдерде.
Рөстәм Миңнеханов сүзләренчә, республика программасы буенча төзелгән, төзекләндерелгән парк һәм скверларда тәтрип сакларга кирәк, бәлки, кайбер җирдә эскәмияләрне ремонтларга, яктырткычларны төзәтергә һәм башкалар.
Татарстан Республикасында күп фатирлы йортларда капиталь ремонт 43 муниципаль райондагы программада катнашучы 996 объекттан 951 ендә башланган.
Бу хакта бүген ТР Хөкүмәт Йортында узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.
Киңәшмә гадәттәгечә муниципаль районнар белән видеоконференцэлетмә режимында Татарстан Республикасы Президенты Рөстәм Миңнеханов рәислегендә узды. Кидәшмә эшендә шулай ук ТР Премьер-министры Алексей Песошин катнашты.
Физик тәрбия һәм спорт өчен җаваплы министрларның һәм иң югары вазыйфаи затларның V халыкара конференциясен (МИНЕПС) уздыру Татарстан өчен генә түгел, Россия Федерациясе өчен дә олы вакыйга. Татарстан Республикасы Президенты Рөстәм Миңнеханов бу хакта пленар утырыш тәмалангач уздырылган конференциядә белдерде.
Спорт инфраструктурасына акчалар кертелгән саен, кешеләр сәламәтерәк була бара. Бүген бу хакта Татарстан Республикасы Президенты Р.Н. Миңнеханов Физик тәрбия һәм спорт өчен җаваплы министрларның һәм иң югары вазыйфаи затларның V халыкара конференциясен (МИНЕПС) ачу тантанасында белдерде.
Чара бүген да «Корстон» КСККда ачылды.
Конференциядә ЮНЕСКО әгъзалары булган дәүләтләрнең спорт өлкәсендәге дәүләт хакимияте органнары җитәкчеләре һәм вәкилләре катнаша. Барлыгы 117 ил, шулай ук кызыксынучы халыкара һәм спорт оешмалары, катнашучылар саны 700гә якын.
Бүген Татарстан Республикасы Президенты Р.Н. Миңнеханов “Корстон” КСККда спорт тарихы күргәзмәсен һәм ЮНЕСКО экспозицияләрен карады.
Күргәзмә Физик тәрбия һәм спорт өчен җаваплы министрларның һәм иң югары вазыйфаи затларның V халыкара конференциясе (МИНЕПС) кысларында ачылган.
Искәртәбез, конференция Казанда 2017 елның 13 июленнән алып 15 июленә кадәр ЮНЕСКО җитәкчелегендә барачак, анда ЮНЕСКО әгъзалары булган дәүләтләрнең спорт өлкәсендәге дәүләт хакимияте органнары вәкилләре катнаша.
Бүген Татарстан Республикасы Президенты Рөстәм Миңнеханов Идел буе федераль округы буенча Россия ЭЭМның Транспортта идарә башлыгы Александр Бережный белән очрашты.
Бүген Татарстан Республикасы Президенты Рөстәм Миңнеханов Алексеевск муниципаль районына эш сәфәре кысаларында «Сәләт» VI халыкара яшьләр мәгариф форумының беренче сменасында катнашучылар белән очрашты. Гадәттәгечә форум Биләр дәүләт тарих-археология һәм табигать музей-тыюлыгы территориясендә уза.
Рөстәм Миңнехановны ТР Президенты Аппараты Җитәкчесе Әсгать Сәфәров, Татарстан Республикасы Президенты ярдәмчесе Ләйлә Фазлыева, Татарстан Республикасы Президенты ярдәмчесе Наталия Фишман, Алексеевск муниципаль районы башлыгы Владимир Козонков озата йөрде.
Татарстан Президенты кушуы буенча быел бу форум беренче мәртәбә ике сменада узачак. Бу катнашучылар санын 8 меңгә кадәр арттырырга мөмкинлек бирәчәк. «Сәләт» Татарстаннан, Россиянең төрле төбәкләреннән, якын һәм ерак чит илләрдән җыелган талантлы һәм сәләтле балаларны берләштерә.