ЯҢАЛЫКЛАР

Якшәмбе көнне, 18 нче майда, тантаналы рәвештә яңа футбол стадионының беренче нигез ташы салынды. Чарада FISU бәя бирү комиссиясе әгъалары, Татарстан Премьер-министры Рөстәм Миңнеханов, Казан мэры Илсур Метшин катнашты.

Кичә, 16 нчы май көнне, кич белән 19 сәгать 20 минутта Студентлар спорты халыкара федерациясенең бәя бирү комиссиясе (FISU) Мәскәүдән Казанга килде. Халыкара “Казан” аэропортында делегация әгъзаларын Татарстан Республикасы Премьер-министры Рөстәм Миңнеханов һәм Казан мэры Илсур Метшин каршылады.

Татарстан Республикасы Хөкүмәте Порталында, интернет мөмкинлекләреннән файдаланып, яңача үрнәктәге чит ил паспортлары формалаштырырга мөмкинлек бирә торган яңа интерактив хезмәт күрсәтү кертелде. Хезмәт күрсәтү “Татарстан Республикасы Электрон Хөкүмәте” комплекслы проекты кысаларында проектны эшләүчеләр төркеме белән берлектә Татарстан Республикасы буенча Россиянең Федераль миграция хезмәте идарәсе тарафыннан төзелде. Шуны искәртик: 2008 елның гыйнварыннан башлап, Россиянең бөтен территориясендә, документка хуҗасы турындагы мәгълүматлар белән электрон микрочип беркетелү аркасында, чикне үтүне гадиләштерә торган биометрик паспортлар бирү оештырылды.

Бүгенге көндә ирешелгән барлык килешүләр дә үтәләчәк – бу турыда Татарстан Республикасы Министрлар Кабинетында Татарстан Республикасы Хөкүмәте һәм Шаньдун (Кытай Халык Республикасы) провинциясе Хөкүмәте арасында сәүдә-икътисад һәм фән-техника өлкәсендә хезмәттәшлек итү турындагы Килешүгә кул куелу кысаларында Татарстан Республикасы Хөкүмәте башлыгы Рөстәм Миңнеханов хәбәр итте.

Бүген Татарстан Республикасы Премьер-министры Рөстәм Миңнеханов Татарстан Республикасы Министрлар Кабинетында Бөтенроссия неврологлар җәмгыяте рәисе, Россия медицина фәннәре академиясе (РАМН) академигы профессор Евгений Гусев белән эшлекле очрашу уздырды. Сүз 2009 елның 8 нче апреленнән 12 нче апреленә кадәр Казанда эпилепсия проблемалары буенча халыкара конференция оештыру һәм үткәрү турында барды.

Бүген - Казанда 2013 елгы Бөтендөнья җәйге универсиаданы уздыру өчен ярдәм итүгә юнәлдерелгән “Казан – Брюссель” халыкара гадәттән тыш марафонының дүртенче көне. 12 нче май көнне иртә белән марафонда катнашучылар Пензадан чыгып киттеләр һәм Тамбовка таба юл алдылар.

Бүген Татарстан Республикасы Премьер-министры Рөстәм Миңнеханов Бөек Ватан сугышы елларында һәлак булган һәм Арча зиратында җирләнгәнсолдатлар һәйкәленә чәчәкләр салды. Тантаналы чарада сугыш ветераннары, патриотик яшьләр оешмалары вәкилләре, хәрби училище курсантлары катнашты.

Татарстан Республикасы Премьер-министры Рөстәм Миңнеханов “Казан” милли-мәдәни үзәгендә фронтовикларны һәм тыл ветераннарын 1941-1942 елларда Бөек Ватан сугышындагы Җиңү белән котлады. Ветераннарны Казан Суворов училищесы курсантлары һәм кадет мәктәпләре укучылары, “Ватан” хәрби-патриотик клуб әгъзалары каршы алды.

Татарстанның Авыл хуҗалыгы һәм азык-төлек министрлыгына авыл хуҗалыгы юнәлешендәге һөнәри техник белем бирү учреждениеләрен якларга кирәк. Бу турыда бүген республика Премьер-министры Рөстәм Миңнеханов Баулы авыл хуҗалыгы җитештерүчеләре белән очрашу барышында хәбәр итте.

Бүген, 5 нче май көнне, Түбән Камада Бөек Ватан сугышы ветераннарына “ВАЗ-21074” маркалы автомобиль ачкычлары тапшыру тантанасы булып узды. Республиканың 16 төбәгеннән сугышта катнашкан 39 кеше “җиделе” хуҗалары булдылар. Җиңел машиналарны тапшыру Түбән Кама музее янындагы мәйданда булды. Тантаналы чарада Татарстан Республикасы Премьер-министрының беренче урынбасары Борис Павлов, Түбән Кама муниципаль районы башлыгы Айдар Метшин, шулай ук Татарстанның бүген “Жигули” алучы ветераннар яши торган тагы 15 муниципаль берәмлеге вәкилләре катнашты.