ЯҢАЛЫКЛАР

Бүген Татарстан Премьер-министры Рөстәм Миңнеханов Универсиада 2013 не үткәрү хокукын алуга кандидат-шәһәр булган Казан стендын тантаналы рәвештә ачуда катнашты. Брюссель шәһәрендәге FISU штаб-фатиры урнашкан “Ля Плаза” отеле территориясендә барлык өч кандидат-шәһәрнең дә (Татарстан башкаласыннан тыш, болар – Испаниянең - Виго, Көньяк Кореяның Гваньчжу шәһәрләре) үзенчәлекле күргәзмәләре җәелеп китте.

Бүген Татарстан Республикасы Премьер-министры Рөстәм Миңнеханов Бельгия башкаласы Брюссельгә килде. Ул 2013 елдагы Бөтендөнья студентлар спорт уеннарын үткәрүгә хокукы булган кандидат-шәһәр буларак Казанны тәкъдир итү өчен шәһәргә килгән Россия делегациясенең башка әгъзаларына кушылды.

Бүген Татарстан Премьер-министры Рөстәм Миңнеханов күпфатирлы йортларга капиталь ремонт ясау мәсьәләләре буенча
видеоконференция режимында чираттагы эшлекле киңәшмәне уздырды.

Закон тарафыннан билгеләнгән срокта Татарстан Республикасындагы 227 мең граждан 2007 елга доходлары турында декларацияләр тапшырдылар. Бу турыда бүген журналистларга Татарстан Республикасы Министрлар Кабинетында үткәрелгән гадәти брифингта Татарстан Республикасы буенча Россия Федерациясе Федераль салым хезмәте идарәсе җитәкчесе Мидхәт Шаһиәхмәтов хәбәр итте.

26 нчы майда Казанда “Татнефть” ААҖ Директорлар советының чираттагы утырышында 2008 елның I кварталына “Татнефть” ААҖ нең эш нәтиҗәләре, Татарстан чигеннән тыш Россия Федерациясендә һәм чит илләрдә проектларның тормышка ашырылуының барышы, 2007 ел нәтиҗәләре буенча акционерларның гомуми җыелышына хәзерләнү турында фикер алышулар булды.

Бүген Казан янындагы “Биектау” автодромында ралли-кросс буенча Россия чемпионатының икенче этабы төгәлләнде. Ярышларда илнең 40 тан артык алдынгы узышчысы катнашты.

19 нчы июньнән 21 нче июньгә кадәр Татарстан Республикасында табигый ресурслар һәм әйләнә-тирә мохитне саклау буенча Россия Федераль Җыелышы Федерациясе Советы комитетының һәм табигый ресурслар, табигатьтән файдалану һәм экология буенча Россия Федерациясе Дәүләт Думасы комитетының Россиядәге кече һәм урта нефть чыгару компанияләренең үсеш проблемалары турында берләштерелгән күчмә утырышы уздырылачак.

Илһам Вәлиев Татарстан Республикасының Балык Бистәсе муниципаль районы башкарма комитетының беренче урынбасары булды

Бүген Татарстан Республикасы Премьер-министры Рөстәм Миңнеханов “Татгазинвест” ЯАҖ акционерларының еллык гомуми җыелышында катнашты. Акционерлар 2007 елга еллык отчетны, еллык бухгалтерлык исәп-хисап документларын, шул исәптән керемнәр һәм чыгымнар турындагы отчетларны расладылар, 2008 елга Директорлар советы җәмгыяте әгъзаларын сайладылар.

Татарстан Республикасында рус теле буенча бердәм дәүләт имтиханын “беренче агым”да 34092 укучы тапшырачак, математика буенча – 32938 кеше. Бу турыда бүген Татарстан Республикасы Министрлар Кабинетында узган гадәти брифингта Татарстан Республикасы Мәгариф һәм фән министры урынбасары Людмила Ногманова хәбәр итте.