ЯҢАЛЫКЛАР
Бүген Татарстан Республикасы Министрлар Кабинетында өлешчә мобилизация шартларында Россия икътисады тотрыклылыгын тәэмин итү өчен бизнеска икътисадый ярдәм чараларына багышланган брифинг узды. Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов мобилизацияләнгән эшкуарлар өчен федераль һәм республика чараларын аңлатты.
Татарстанда агымдагы елның 9 аенда 563 предприятие табышка салым буенча түләүләрен киметкән. Бу очракта предприятиеләрдәге икътисади хәлнең даими мониторингын алып барырга, финанс нәтиҗәләрен анализларга һәм аларга ярдәм итү өчен чаралар күрергә кирәк. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында уздырылган киңәшмәдә хәбәр итте.
Киңәшмә 2022 елның 9 аенда ТР берләштерелгән бюджетын үтәү йомгаклары һәм 2022 елга бурычлар буенча ТР финанс, казначылык һәм салым органнарының эшенә багышланган иде.
Мәгариф, бизнес һәм дәүләт идарәсендә цифрлы трансформациягә багышланган Россиядәге иң зур форумда Яндекс, Югары икътисад мәктәбе (НИУ ВШЭ), Мәскәү физика һәм технология институты, Сколтех, ИТМО, Россия тимер юллары, «Газпром нефть», «Норильский никель», VK, «Мобиль электрон мәгариф», Касперский һәм профильле федераль министрлыклар лабораторияләре экспертларын җыячак. Россия Федерациясе Хөкүмәте Рәисе урынбасары Дмитрий Чернышенко һәм Россия Федерациясе фән һәм югары белем министры Валерий Фальков Россия югары уку йортлары ректорлары белән эшлекле киңәшмә уздырачаклар. Пленар утырышта Татарстан Республикасы Президенты Рөстәм Миңнеханов һәм ТР Премьер-министры урынбасары Роман Шәйхетдинов катнашачак. DID 2022 оештыручысы - Иннополис Университеты, ул форум узган көннәрдә үзенең ун еллыгын билгеләп үтәчәк.
Татарстан РФ Оборона министрлыгының гражданнарны өлешчә мобилизацияләү буенча билгеләгән йөкләмәсен үтәде. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында уздырылган республика киңәшмәсендә хәбәр итте.
Рөстәм Миңнеханов искәрткәнчә, 28 октябрьдә Россия Федерациясе оборона министры Сергей Шойгу Россия Федерациясе Президенты Владимир Путинга Россиядә өлешчә мобилизацияләнүне тәмамлау турында хәбәр итте, гаскәрләрне 300 мең резервчылар белән өстәмә рәвештә тулыландыру бурычы үтәлгән.
Бүген ТР җир һәм мөлкәт мөнәсәбәтләре министры Фәнил Әһлиуллин ТР Хөкүмәт Йортында узган киңәшмәдә дәүләт һәм муниципаль милек белән идарә итүдән кергән керемнәр буенча бюджет йөкләмәсен үтәү, шулай ук җир һәм мөлкәт өчен аренда түләүләре буенча Татарстан Республикасы муниципаль берәмлекләре алдындагы бурычларны киметү турында хәбәр итте.
Киңәшмәне Татарстан Республикасы Премьер-министры Алексей Песошин үткәрде. Барлык муниципаль районнар да киңәшмәләр залына видеоконференцэлемтә режимында тоташтырылды.
Бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министрының беренче урынбасары Алексей Фролов Татарстанда социаль өлкә объектларын капиталь ремонтлау программаларының ничек үтәлүе турында хәбәр итте.
Киңәшмәне Татарстан Республикасы Премьер-министры Алексей Песошин үткәрде. Барлык муниципаль районнар да киңәшмәләр залына видеоконференцэлемтә режимында тоташтырылды.
Бүген Иннополиста шәһәр халкы, шулай ук «Атомдата-Иннополис», «Росэнергоатом» концернының бүлендек компаниясе («Росатом» дәүләт корпорациясенең электр-энергетика дивизионына керә) хезмәткәрләре 466 ылыслы агач һәм 50 куак утырттылар. «Агач утырт» акциясе эре җитештерү объекты Росатом МЭҮ төзелә торган территориядә яшеллекне компенсацияләү кысаларында үткәрелә. Яңа дата-үзәк 2 мең киштәгә исәпләнәчәк, аларның яртысын киләсе елда ук сафка кертәчәкләр. МЭҮнең тулы куәте 16 МВт булачак.
Бүген Иннополиста «Цифрлы алгарыш. Сезон: ясалма интеллект» өченче бөтенроссия чемпионаты ачылды – «Россия — мөмкинлекләр иле» Президент платформасы проектларының берсе, анда иң көчле программистлар Иннополис Университеты, «Шереметьево» халыкара аэропорты, Россия Почтасы өчен гамәли чишелешләр булдырачак һәм 3 млн сум күләмендәге приз фонды өчен көрәшәчәкләр.
Бүген Татарстан Премьер-министры Алексей Песошин Төрекмәнстанның Казандагы яңа Генераль консулы Гуйч Гәрәев белән очрашты. Очрашу ТР Хөкүмәт Йортында узды.
2023 елда универсаль пособие буенча түләү күләмен билгеләү өчен дифференциаль алым кулланылачак. Бу гаиләнең җан башына уртача керем күләменә бәйле булачак. Бүген бу хакта Татарстан Республикасы Хөкүмәте Йортында уздырылган брифингта Россия Пенсия фондының Татарстан Республикасы буенча Бүлеге идарәчесе Эдуард Вафин хәбәр итте.
"Өч вариант мөмкин: балалар өчен яшәү минимумының 50, 75 һәм 100%. Айлык түләүнең база күләме балалар өчен яшәү минимумының 50% тәшкил итә", - диде ул.