Татарстан Республикасы Хөкүмәте

Владимир Путин: "КАМАЗ" - безнең горурлыгыбыз"

2012 елның 15 феврале, чәршәмбе

Бүген РФ Премьер-министры Владимир Путин Чаллыга килде. Элек Россия Хөкүмәт башлыгы белән Татарстан Президенты Рөстәм Миңнеханов 2 миллионынчы “КАМАЗ” чыгару тантанасында катнашты.

Бу уңайдан заводта митинг-концерт узды. Аның кысаларында предприятиенең иң яхшы хезмәткәрләре “КАМАЗ” ААҖ Мактау грамоталары белән бүләкләнде, аларны “Ростехнологияләр” башлыгы Сергей Чемезов һәм предприятиянең генераль директоры Сергей Когогин тапшырды.

“КАМАЗ” сезнең талант, тырышлык, үз көчегезгә, предприятиегә, тармакка, илгә ышану нәтиҗәсендә кризиска кадәрге дәрәҗәгә чыгып кына калмады, ә ә бөтенләй яңа дәрәҗәдәге сыйфатлы продукция җитештерә башлады. “КАМАЗ” үз тармагында ил лидеры булып тора. Камазлылар күп еллар дәвамында катнашкан “Дакар” раллие автомобиль тармагының гына түгел, ә автомобиль спорты сөючеләр горурлыгы булып тора, ул сезнең сыйфатлы эшегез нәтиҗәсе. Мин сезне чын күңелдән котлыйм һәм иң изге теләкләремне белдерәм, зур рәхмәт сезгә”, - дип мөрәҗәгать итте завод хезмәткәрләренә Россия Премьер-министры России Владимир Путин.

Завод хезмәткәрләре дәрәҗәле кунакны көчле алкышлар белән озатты, аннары Владимир Путин 2 миллионынчы йөк машинасы кабинасында имзасын калдырды.

ТР Президенты матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

ТР Хөкүмәте Йортында узган брифингта Татарстанның Җиңү көнен ничек билгеләп үтәчәге турында сөйләделәр

Бүгенге көндә Татарстанда 1941-1945 еллардагы Бөек Ватан сугышының соңгы шаһитлары булган 92 фронтовик яши. Ветераннарга ярдәм чаралары һәм республиканың Җиңү көнен - 9 Майны ничек билгеләп үтәчәге турында Татарстан Республикасы Министрлар Кабинетында узган брифингта сөйләделәр.

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ЯҢАЛЫКЛАРГА ЯЗЫЛУ