Рөстәм Миңнеханов: "Сарман районы уңай нәтиҗәләр һәм яңа өметләр белән яши"

Сарман муниципаль районында яңа предприятиеләр пәйда булу бизнес өчен җәлеп итүчән булуы турында сөйли. Бу хакта бүген Татарстан Президенты Рөстәм Миңнеханов район Советы сессиясендә чыгышында белдерде.
Район башлыгы Нәфис Закиров Сарман муниципаль районының 2011 елда социаль-икътисади үсеш нәтиҗәләре һәм 2012 елга куелган бурычлар турындагы доклад белән чыгыш ясады.
Татарстан Президенты Рөстәм Миңнеханов үз чыгышында райондагы уңай үзгәрешләр турында белдерде. “Без биредә үзгәрешләр булуын, яңа кешеләрне, яңа эшмәкәрләрне күрәбез. Бүген социаль хезмәт күрсәтү үзәге дә яхшы тәэсирләр калдырды, - диде республика башлыгы. – Районда үзгәрешләр күренә”.
Рөстәм Миңнеханов республиканың икътисади үсеше, яңа эре сәнәгать проектлары турында сөйләде. “Үсеш алган сәнәгать – ул Татарстанның көндәшлелеккә ия булу өстенлеге. Әмма безнең өчен иң мөһиме – кешеләр”, - дип ассызыклады ТР Президенты.
Республика җитәкчелеге халык өчен мәгариф, сәламәтлек саклау системасын модернизацияли, демография проблемасына игътибар бирә.
Рөстәм Миңнеханов урта классны формалаштыру зарурлыгы турында белдерде. Аның сүзләренә караганда, эшмәкәрлеккә ярдәм итү белән урыннарда шөгыльләнергә кирәк. “Һәр муниципалитет бу мәсьәлә белән шөгыльләнергә тиеш", - дип ассызыклады Р.Миңнеханов.
Рөстәм Миңнеханов Сарман районыны эш сәфәре уңай тәэсирләр калдырды диде. “Сарман районы уңай нәтиҗәләр һәм яңа өметләр белән яши”, - дип белдерде ТР Президенты.
Рөстәм Миңнеханов Сарман районы җитәкчелегенә рәхмәт белдерде һәм бүләкләр тапшырды