2011 елда республика судлары тарафыннан 728 мең 397 эш тикшерелгән

Былтыр гомуми юрисдикция (ТР Югары Суды, шәһәр һәм район судлары, мировой судлар) судлары 728 мең 397 эшне караган, бу 2010 ел белән чагыштырганда 5 процентка күбрәк. Бу хакта бүген Казанның “Гранд отель Казан” кунакханә комплексында ТР Премьер-министры Илдар Халиков катнашында узган ТР судьялары конференциясендә төп доклад белән чыгышы ясаган Татарстан Югары Суды Рәисе Илгиз Гыйләҗев хәбәр итте. Ул хәбәр иткәнчә, һәр эштә ике заттан да ким булмаган. Шул рәвешле, һәр өченче татарстанлы судопроизводство орбитасына эләккән.

2011 елда республика судларына 443 739 гражданлык эше кабул ителгән, бу 2010 ел белән чагыштырганда 6 процентка күбрәк. Җинаять эшләренең кимүе күзәтелә: 23 967 эш каралган, бу 2010 ел белән чагыштырганда 8 процентка кимрәк. Административ эшләр саны 2,3 процентка артып, барысы 150 621 эшне тәшкил иткән. Һәр судьяга уртача нагрузкага килгәндә, елына 1 меңнән артыграк эш туры килә.

Узган елда гомуми юрисдикция судлары тарафыннан 19 мең 955 кеше хөкем ителгән. 2010 елга караганда җәзага таручылар саны 10,9 процентка кимегән.

Суд каршына баскан 24 мең 740 затның 80,7 процент өлеше җинаять җаваплылыгына җәлеп ителгән. Үзләренә карата җинаять эше көченнән чыккан затлар, хөкем ителгәннәрнең гомуми санының 18,1 процентыннан гыйбарәт.

Хөкем ителүчеләргә билгеләнгән чараларның күпчелек өлеше шартлы төстәге җәзага туры килә – 44,7 процент. Иректән шартлы төстә мәхрүм итү һәм төзәтү эшләре рәвешендәге җәза 8 мең 918 затка карата кулланылган.

Мәҗбүри эшкә җәлеп итү күрсәткече шактый арткан (27,1 процентка күбрәк). Бу җәза төре 2316 затка билгеләнгән.