Рөстәм Миңнеханов ТР ИВФ Попечительчләр советы утырышын үткәрде

Бүген ТР Президенты Рөстәм Миңнеханов рәислегендә ТР фәнни-техник өлкәдә кече формадагы предприятиеләргә венчур инвестицияләре салуны үстерүгә ярдәм фондының Попечительләр советы утырышы узды. Анда, аерым алганда, 2010-2011 елларда “Ак Барс Капитал” идарә компаниясенең венчур инвестицияләренең ябык пай инвестиция фондлары белән идарә буенча эшчәнлеге тикшерелде. Хәзерге вакытта “Ак Барс Капитал” идарәсендә булган әлеге фонд портфелендә IT һәм телекоммуникацияләр, машина, приборлар төзелеше өлкәләрендә махсуслашкан 5 компания исәпләнә.

Попечительләр советы утырышында шулай ук кайбер проектларны гамәлгә ашыруның барышына кагылышлы хисап та тыңланды. Аерым алганда, “Тракторлар һәм автомобильләр өчен җылыткыч – күпрежимлы сыеклык белән җылыткычны эшләү һәм серияләп җитештерү”, “Казанда WIMAX технологиясе нигезендә мәгълүматлар тапшыру өчен 4G тотрыклы радиоэлемтәсе челтәрен оештыру” проектлары каралды.

Моннан тыш, утырышта “Викинг” тибындагы вездеходны серияләп җитештерүне оештыру”, “IFO-6ET аз тоннажлы антиоксидантын җитештерүне оештыру”, “УФ лазер” проектлары презентацияләнде.