Рөстәм Нигьмәтуллин салым органнары хезмәткәрләрен һөнәри бәйрәмнәре белән котлады
Татарстан Республикасы Премьер-министры вазифаларын башкаручы Рөстәм Нигьмәтуллин салым органнары хезмәткәрләрен һөнәри бәйрәмнәре белән котлады.
“Хөрмәтле салым органнары хезмәткәрләре!
Татарстан Республикасы Хөкүмәте һәм шәхсән үз исемемнән сезне һөнәри бәйрәмегез – Россия Федерациясе салым органнары хезмәткәрләре көне белән котлыйм!
Салым органнары финанс системасының тотрыклы эшләве һәм дәүләтнең салым сәясәтен нәтиҗәле гамәлгә ашыру өчен уңайлы шартлар булдыру буенча иң мөһим һәм җаваплы эш булып тора.
Сезгә көндәлек эшегез һәм үз эшегезгә намуслы мөнәсәбәтегез өчен рәхмәт. Ышанам, киләчәктә дә Федераль салым хезмәтенең ТР буенча идарәсе коллективының эше республика үсешенә ярдәм итәчәк.
Барыгызга да алга таба уңышлы эшчәнлек һәм билгеләнгән максатларыгызга ирешүегезне, шулай ук бәхет һәм нык сәламәтлек телим!
Татарстан Республикасы Премьер-министры вазифаларын башкаручы Нигъмәтуллин Р.К.”