Татарстанда чыгарылган нефтьнең өчтән ике өлешен эшкәртү планлаштырыла
Татарстанның җитештерү структурасында якын арада нефть эшкәртү өлеше артачак. Хәзергә республикада чыгарылган чималның яртыдан азрагы эшкәртелә. Бу хакта бүген ТР Хөкүмәте йортында узган брифингта ТР Премьер-министры урынбасары - ТР сәнәгать һәм сәүдә министры Альберт Кәримов хәбәр итте.
Альберт Кәримов билгеләгәнчә, ТАНЕКОда яңа егәрлекләр җибәрелгәч нефть эшкәртү 22-23 млн тонна тәшкил итәчәк, яисә чыгарылган нефтьнең өчтән ике өлеше.
2019 елда ТАНЕКО да беренчел нефть эшкәртү җайланмасының икенчесе җибәреләчәк - ЭЛОУ АВТ-6.
Республикада барлыгы 36,4 млн тонна нефть чыгарылган. “Татнефть” авыр табыла торган нефть запасларына һәм үтә үзле нефть чыгаруга басым ясый.
Нефть эшкәртү заводында 17 млн тонна нефть эшкәртелгән. Сәнәгать җитештерүе индексы 106,4 процент тәшкил иткән.
Татарстанның сәнәгать җитештерүендә 16% химия һәм нефть химиясенә туры килә. Продукция төяп җибәрү бер елга 54 млрд сум тәшкил иткән, җитештерү индексы -103%.