ТР Президенты мордва халыкларының берләшүенә 1000 ел тулу уңаеннан үткәрелгән чараларда катнаша

Бүген көннең икенче яртысында Татарстан Республикасы Президенты Рөстәм Миңнеханов Мордовия Республикасы Саранскида эш сәфәрендә. Сәфәрнең төп максаты - мордва халыкларының Россия халыклары белән берләшүенә 1000 ел тулу уңаеннан үткәрелгән чараларда катнашу.

Искәртеп узабыз, мордва халыкларының Россия халыклары белән берләшүенә 1000 ел булуны киң күләмле бәйрәм итү бөтенроссия бәйрәме буларак билгеләп үтелә. 2009 елның гыйнварында бу датаны бәйрәм итү турындагы Указны Россия Президенты имзалаган.

23-25 августта Мордовия башкаласы – Саранскида фестивальләр, конкурслар, концертлар уза, галимнәр, мәдәният эшлеклеләре һәм дәүләт хакимияте органары вәкилләре белән очрашулар үткәрелә.

Бүген, 24 августта, Рөстәм Миңнеханов бәйрәмнең башка кунаклар белән бергә мордва халыкларының Россия халыклары белән берләшүенә 1000 ел тулуга багышланган Россия халыклары форумының пленар утырышында катнаша,

Тулырак мәгълүмат Мордовия Республикасы Хөкүмәтенең рәсми сайтында - http://www.e-mordovia.ru/