Татарстан Республикасы Хөкүмәте

Татарстан Республикасы Инвестиция-венчур фондының Химаячеләр советы “Актаныш агрегат заводы” ЯАҖ өчен 42 млн. сум күләмендә займ бүлеп бирүне хуплады

2008 елның 26 марты, чәршәмбе

Бүген Татарстан Республикасы Инвестиция-венчур фондының Химаячеләр советы “Актаныш агрегат заводы” ЯАҖ базасындагы “КАМАЗ” ААҖ өчен балансир һәм тарттыргыч күчәре кронштейны производствосын оештыру” проектын гамәлгә ашыру максатыннан 42 млн. сум күләмендә займ бүлеп бирүне хуплады.

Татарстан Республикасы Инвестиция-венчур фондының Химаячеләр советы утырышын Татарстан Республикасы Премьер-министры Рөстәм Миңнеханов үткәрде.

Татарстан Республикасы Инвестиция-венчур фонды директоры Айнур Айделдинов хәбәр иткәнчә, проект Татарстан Республикасының реципиент-районнары үсеше программасы кысаларында яклап чыгылды.

Айнур Айделдинов сүзләренә караганда, бизнес-план буенча проектның чыгымын каплау вакыты – 3 ел. Проектның гомуми бәясе – 50 млн.сумнан артык.

“Әлеге районда производствоны үстерү буенча безнең уңай тәҗрибәбез бар инде. – Узган ел “Актаныш агрегат заводы” ЯАҖ базасында “КАМАЗ” ААҖ өчен тормоз ялгашлары чыгару көйләнгән иде. Бу - республиканың депрессив районнарында икътисадның реаль секторы үсешен уңышлы гамәлгә ашыру дигән сүз”.

Татарстан Республикасы Министрлар Кабинеты

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ