Алексей Песошин “Чаллы”, “Түбән Кама”, “Чистай” ТОСЭРда эшчәнлек турында гаризаларны карау буенча комиссия утырышын уздырды
Татарстан Республикасы Хөкүмәте йортында бүген ТР Инвестицион советы һәм “Чаллы”, “Түбән Кама”, “Чистай” өстенлекле социаль-икътисади үсеш территориясендә (ТОСЭР) эшчәнлек турында килешү төзергә гаризаларны карау буенча комиссияләрнең уртак утырышы узды.
Утырышны ТР Премьер-министры Алексей Песошин уздырды.
Комиссияләр утырышында ТР Премьер-министрының беренче урынбасары Рөстәм Нигъмәтуллин катнашты.
“Бүген без ТР Инвестицион советы һәм “Чаллы”, “Түбән Кама”, “Чистай” өстенлекле социаль-икътисади үсеш территориясендә эшчәнлек турында килешү төзергә гаризаларны карау буенча комиссияләрнең уртак утырышын уздырабыз,- диде Алексей Песошин утырышны ачып. – Карарлар кабул итү өчен кворум бар”.
ТР Премьер-министры билгеләгәнчә, комиссия каравына 5 инвестиция проекты тәкъдим ителгән, шуларның икесе – Түбән Кама һәм Чистайдан һәм берсе – Чаллыдан.
Барлык проектлар да комиссия әгъзалары тарафыннан хупланды.
Утырыш тәмамланганда “Чаллы”, “Түбән Кама”, “Чистай” ТОСЭР комиссиясе секретарьларына утырыш протоколларын әзерләргә һәм раслауга тапшырырга йөкләнде.