ТР буенча Роспотребнадзор идарәсе башлыгы Марина Патяшина: Районнарда яңа коронавирус инфекциясе таралуы һаман төрлечә
Бүгенгә Татарстан Республиккасында яңа коронавирус инфекциясе белән авыручылар саны 4431 кешегә җитте. Бу хакта Татарстан Республикасы Хөкүмәте йортында узган республика киңәшмәсендә Роспотребнадзорның Татарстан Республикасы буенча идарәсе башлыгы – Татарстан Республикасы буенча Баш санитар табиб Марина Патяшина хәбәр итте.
Киңәшмәне видеоконференция режимында барлык муниципаль районнар белән Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
"Бу атнада без яңа коронавирус инфекциясенең 279 очрагын теркәдек, бу үткән атнагыдан 5 очракка ким. Көн саен 40-ар очрак теркәлә, үсеш темпы үзгәрми диярлек. Бу атнада - 0,9 %", - диде Марина Патяшина.
Россия төбәкләре арасында Татарстан авыру дәрәҗәсе буенча 79нчы урында, ә Идел буе федераль округы субъектлары арасында 13нче урынны били.
Республиканың 11 районында авырулар саны башкалардан артыграк. Ә 7 муниципаль районда республикадагы уртача күпсәткечләрдән күпкә артык.
Бу атнада хезмәт коллективларында яңа очраклар теркәлгән.
Барлыгы бу атнада 637 объект тикшерелде, 42 предприятиедә санитар таләпләр үтәлми, бу 7 % тәшкил итә.
"Инде икенче атна без республиканың азык-төлек кибетләрендә хокук бозу теркәмибез, - диде Патяшина. - Бу атнада 159ын тикшердек, гомумән 2890 объект тикшерелде".