Татарстан Республикасы Хөкүмәте

Росприроднадзорның Идел-Кама төбәкара идарәсенә җитәкче итеп Фаяз Шакиров билгеләнде

2021 елның 23 апреле, җомга

Бүген Табигатьтән файдалану өлкәсендә күзәтчелек буенча федераль хезмәтнең (Росприроднадзор) Идел-Кама төбәкара идарәсенең яңа җитәкчесен ведомство коллективына ТР Премьер-министры урынбасары – ТР Министрлар Кабинеты Аппараты җитәкчесе Шамил Гафаров тәкъдим итте.

Ведомствога җитәкче итеп Фаяз Шакиров билгеләнде. Элек ул ТР Экология һәм табигать ресурслары министрының беренче урынбасары – республиканың әйләнә-тирә мохитне саклау өлкәсендә баш дәүләт инспекторы вазифасын башкарган.

Шакиров Фаяз Фәнил улы 1983 елның 26 августында, Киров өлкәсендә туган. 2006 елда “Әйләнә-тирә мохитне саклау” белгечлеге буенча С.М.Киров ис. КДТУын тәмамлый. Техник фәннәр кандидаты (2009 ел).

ТР Президенты матбугат хезмәте, Елена Бритвина.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстан Премьер-министры Алексей Песошин Н.И. Лобачевский исемендәге премия тапшыру тантанасында катнашты

Бүген Казанда фундаменталь һәм гамәли математика өлкәсендәге күренекле эшләре өчен Н.И. Лобачевский исемендәге премия һәм медаль тапшыру тантанасы узды. Чара Казан федераль университетында (КФУ) узды. Искәртәбез, Н.И. Лобачевский исемендәге премия ике елга бер тапкыр бирелә, һәм алдагы премия лауреатын 2023 елда хөрмәтләгәннәр иде. 2025 елда Н.И. Лобачевский исемендәге премия лауреаты РФА әгъза-мөхбире, РФА ПОМИ баш фәнни хезмәткәре Сергей Иванов булды.

ноябрь, 2025 ел

Ләйлә Фазлыеваның Әниләр көне белән котлавы

Татарстан Республикасы Премьер-министры урынбасары Ләйлә Фазлыеваның Әниләр көне белән котлавы.

ноябрь, 2025 ел

Татарстанда тагын 77 мең га мәйданда уңыш җыясы кала, шулардан 59 мең га көнбагыш

Татарстан Республикасында урып-җыю төгәлләнеп килә - тагын 77 мең га мәйданда җыясы кала, шулардан 59 мең га көнбагыш. Бу хакта бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров хәбәр итте. Киңәшмәне Татарстан рәисе Рөстәм Миңнеханов уздырды. Киңәшмәдә ТР Премьер-министры Алексей Песошин, ТР Дәүләт Советы Рәисе Фәрит Мөхәммәтшин катнашты.

Татарстанда 3 млн 156 мең кв. м торак файдалануга тапшырылган, ягъни еллык планның 97%ы

Татарстан Республикасында 2025 елның 29 ноябренә файдалануга торак тапшыру планы 97%ка үтәлгән, 3 млн 156 мең кв.м. торак файдалануга тапшырылган. Мондый мәгълүматларны бүген ТР Хөкүмәте Йортында узган республика киңәшмәсендә ТР төзелеш, архитектура һәм ТКХ министры Марат Айзатуллин китерде. Киңәшмәне Татарстан Рәисе Рөстәм Миңнеханов уздырды. Киңәшмәдә ТР Премьер-министры Алексей Песошин, ТР Дәүләт Советы Рәисе Фәрит Мөхәммәтшин катнашты.

ЯҢАЛЫКЛАРГА ЯЗЫЛУ