ЯҢАЛЫКЛАР
Татарстан Республикасында 2017 елның 6 аенда 17 млн. 785 мең тонна нефть чыгарылган. Нефть чыгару 102,9 % ка артты. "Татнефть" 14 млн. 202 мең тонна нефть чыгарган, бу узган елның шул ук чорына караганда 3,4 % ка артык. Бу хакта бүген Нефть саммитында Татарстан Республикасы Президенты Рөстәм Миңнеханов хәбәр итте.
Бөгелмә муниципаль районының Карабаш авылында гадәттәге Нефть саммиты уза. Анда Россия энергетика министры урынбасары Кирилл Молодцов, Файдалы казылмалар запаслары буенча дәүләт комиссиясе генераль директоры Игорь Шпуров, Татарстан Республикасы Дәүләт Советы Рәисе Фәрит Мөхәммәтшин, "Татнефть" ГАҖ генераль директоры Наил Маганов катнаша.
Татарстан Республикасы Президенты Рөстәм Миңнеханов Нефть саммитында тәкъдим ителгән күргәзмәне карады.
Рөстәм Миңнеханов һәм аны озата йоргән затлар "Татнефть" ГАҖ конкурсында катнашучы студентларның фәнни-тикшеренү эшләре презентациясен карады. "Татнефть" Россия нефть вузлары арасында конкурс оештырды.
Бүген Татарстан Республикасы Президенты Рөстәм Миңнеханов Бөгелмә муниципаль районында нефтьчеләр өчен социаль ипотека программасы буенча төзелгән индивидуаль торак йортларны карап чыкты.
Искәртәбез, Рөстәм Миңнеханов Бөгелмә һәм Әлмәт мунициципаль районнарына эш сәфәре кыла.
Бүген "Корстон" КСКК мәйданчыгында ТР Президенты каршындагы Эшкуарлык советының бишенче утырышы узды. Чара Татарстан Республикасы Президенты Рөстәм Миңнеханов рәислегендә узды. Утырыш эшендә ТР Премьер-министры Алексей Песошин, ТР Президенты Аппараты җитәкчесе Әсгать Сәфәров, ТР Президенты ярдәмчесе Альберт Нәфигыйн, ТР Премьер-министры урынбасары - Министрлар Кабинеты Аппараты җитәкчесе Шамил Гафаров, ТР Президенты каршында эшкуарлар хокуклары буенча вәкаләтле вәкил Тимур Нагуманов, республика ведомстволары һәм министрлыклары җитәкчеләре, 250 бизнес вәкиле катнашты.
Бүген Татарстан Республикасы Президенты Рөстәм Миңнеханов шәхси сораулар белән мөрәҗәгать иткән гражданнарны кабул итте.
Кабул итү мөрәҗәгать иткән гражданнар яшәгән муниципаль берәмлекләр белән видеоконференцэлемтә аша узды.
Чара Россия Федерациясе Президентының Татарстан Республикасындагы иҗтимагый кабул итү бинасында узды.
Көнбагыш һәм бөртеккә суктыру өчен игелә торган кукуруз уңышы буенча берникадәр шик-шөбһәләр бар. Алар белән бүген Татарстан Хөкүмәте йортында узган брифингта Татарстан Премьер-министры урынбасары – авыл хуҗалыгы һәм азык-төлек министры Марат Әхмәтов уртаклашты.
Бүген Татарстан Республикасы Президенты Рөстәм Миңнеханов бишенче чакырылыш Татарстан Республикасы Дәүләт Советының утызынчы утырышында катнаша.
Татарстан Республикасы Дәүләт Советы Президиумы тәкъдиме буенча көн тәртибенә 21 мәсьәлә кертелгән.
Бүген Татарстан Республикасы Профсоюзлар федерациясе, Татарстан Республикасы Эш бирүчеләр берлеге координацион советы, Татарстан Республикасы Министрлар Кабинеты арасында минималь хезмәт хакы турында килешү имзаланды.
Имзалау ТР Хөкүмәте йортында Татарстан Республикасы Премьер-министры Алексей Песошин катнашында узды.
Бүген Татарстан Президенты Рөстәм Миңнеханов "Мегафон" ГАҖ генераль директоры Сергей Солдатенков белән очрашты. ТР Хөкүмәте Йортында узган киңәшмәдә ТР Премьер-министры урынбасары - мәгълүматлаштыру һәм элемтә министры Роман Шәйхетдинов катнашты.
Очрашуда төбәктә мобиль элемтәне алга таба үстерү мәсъәләләре турында сүз барды.
Бүген Татарстан Республикасы Президенты каршындагы Эшкуарлык советының V киңәйтелгән утырышы онлайн режимда трансляцияләнәчәк.
Трансляцияне Татарстан Республикасы Хөкүмәте сайтында www.prav.tatarstan.ru карап була.
Әлеге утырышта Татарстан Республикасы Президенты Рөстәм Миңнеханов катнашуы көтелә.