ЯҢАЛЫКЛАР
Татарстан Республикасы Премьер-министры Илдар Халиков Кама Тамагы һәм Спас муниципаль районнарында булды. Максаты - гражданнарны аварияле торактан күчерү буенча республика программасын гамәлгә ашыру кысаларында яңа күп фатирлы йортлар төзелеше барышы белән танышу иде.
Татарстанлыларны Космонавтика көне белән ТР Премьер-министры Илдар Халиков котлады.
“Хөрмәтле татарстанлылар!
Татарстан Хөкүмәте исеменнән һәм шәхсән үз исемемнән сезне чын күңелдән Космонавтика көне белән котлыйм!”
Бүген Татарстан Республикасы Президенты Рөстәм Миңнеханов җитәкчелегендәне Татарстан Республикасы рәсми делегациясенең Дубайга (Берләшкән Гарәп Әмирлеге) эш сәфәре кысаларында Татарстан Республикасы Президенты Рөстәм Миңнеханов Дубайда Dubai Internet City компаниясендә булды.
Dubai Internet City (DIC) – мәгълүмат технологияләре өлкәсендә эре технологик парк. Ул Якын Көнчыгыш, Төньяк Африка һәм Азия илләре белән хезмәттәшлек итә. DIC 1999 елда ачылган. DIC резидентлары арасында Microsoft, IBM, Cisco, Oracle Corporation, Nokia, Siemens һәм башкалар бар.
Бүген Татарстан кунаклары игътибарына DIC компаниясен тәкъдир иттеләр. Dubai Internet City вәкилләре киләчәк планнары турында сөйләделәр һәм сорауларга җаваплар бирделәр.
Рөстәм Миңнеханов фикеренчә, мәгълүмат технологияләре өлкәсендә мондый эре компания белән хезмәттәшлек Татарстан өчен бик актуаль. Ул, аерым алганда, хезмәттәшлекне оештыруны һәм мәгълүматны саклау өлкәсендә багланышлар урнаштыруны тәкъдим итте.
Очрашуда Татарстан Республикасы вице-премьеры – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Инвестицион үсеш агентлыгы җитәкчесе Талия Миңнуллина, Татарстан Республикасының Дубайдагы сәүдә-икътисадый вәкиле Тимур Хәйретдинов, «Иннополис» МИЗ» ААҖ генераль директоры Игорь Носов, «Югары технологияләр өлкәсендә технопарк - ИТ-парк» ДАУ директоры Антон Грачев һәм башкалар катнашты.
Бүген Татарстан Республикасы Президенты Рөстәм Миңнеханов "flydubai" команиясенең коммерция директоры Хәмәд Гобәйдулла белән очрашты.
Очрашу AIM-2016 VI еллык инвестицион форумы кысаларында узды.
"flydubai" – Берләшкән Гарәп Әмирлекләреннән авиакомпания-лоукостер, аның базасы – Дубай халыкара аэропорты. Компания 2008 елда Дубай Хөкүмәте тарафыннан оештырылган, шәһәрнең беренче бюджет авиакомпаниясе.
Татарстан Республикасы Көньяк-Көнчыгыш Азия илләре белән хезмәттәшлек өчен яңа мөмкинлекләр эзли. Бүген бу хакта Татарстан Республикасы Президенты Рөстәм Миңнеханов Дубайда AIM-2016 VI еллык инвестицион форумында чыгыш ясаганда хәбәр итте.
Искәртәбез, Татарстан Республикасы Президенты Рөстәм Миңнеханов җитәкчелегендәге Татарстан Республикасы рәсми делегациясе AIM-2016да катнашу өчен Дубайга килде.
Бүген Татарстан Республикасы Президенты Рөстәм Миңнеханов БГӘ икътисад министры Солтан Әл-Мансури белән очрашты. Очрашу Дубайда, VI еллык инвестицион форум (Annual Investment Meeting - AIM-2016) кысаларында үтте.
Рөстәм Миңнеханов Солтан Әл-Мансурига очрашу өчен рәхмәт белдерде һәм Татарстан Республикасының икътисадый һәм сәнгать мөмкинлекләре турында кыскача хәбәр итте.
Татарстан Республикасы Президенты Рөстәм Миңнеханов Дубайга (Берләшкән Гарәп Әмирлекләре) эш сәфәре кыла.
Сәфәренең төп максаты – VI еллык инвестицион форумда (Annual Investment Meeting - AIM-2016) катнашу, форум Дубайда 2016 елның11-13 апрелендә узачак.
Рөстәм Миңнеханов форумны ачу тантанасында һәм AIM-2016ның «Бөтендөнья лидерлары дебатлары» пленар утырышында катнашачак.
Форум кысаларында Татарстан Республикасы Президентының Берләшкән Гарәп Әмирлекләренең Икътисад министры Солтан Әл-Мансури белән очрашуы көтелә.
Бүген Казанның "Пирамида" мәдәни-күңел ачу комплексында эшче һөнәрләр буенча “Яшь профессионаллар” WorldSkills Ачык төбәк чемпионатына йомгак ясалды. Һөнәри ярышларны ябу һәм җиңүчеләрне бүләкләү тантанасында ТР Премьер-министры Илдар Халиков катнашты.
Бүген "Казан ярминкәсе" күргәзмәләр үзәгендә Татарстан Республикасы Президенты Рөстәм Миңнеханов ТРның "Яшь профессионаллар" (WorldSkills Russia 2016) төбәк чемпионаты мәйданчыгында булды. Аны Россия элемтә һәм массакүләм коммуникацияләр министры Николай Никифоров, ТР Президенты Аппараты җитәкчесе Әсгать Сәфәров, ТР Президенты ярдәмчесе Ләйлә Фазлыева, Казан мэры Илсур Метшин, ТР Премьер-министры урынбасары - ТР мәгариф һәм фән министры Энгель Фәттахов һәм башка министрлыклар, ведомстволар җитәкчеләре озата йөрде.
Татарстан Республикасы Хөкүмәте Йортында узган киңәшмәдә республика азык-төлек базарындагы вәзгыть турында Татарстан Республикасы авыл хуҗалыгы һәм азык-төлек министрының беренче урынбасары Николай Титов сөйләде.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Илдар Халиков та катнашты.