ЯҢАЛЫКЛАР

"Казаноргсинтез" ГАҖ продукцияләре исемлеген киңәйтү өчен безгә берничә мәсьәләне хәл итү кирәк. Бу, беренче чиратта, - предприятиене инвестицияләре һәм чимал белән тәэмин итү. 

Бу хакта Татарстан Президенты Рөстәм Миңнеханов "Казаноргсинтез" ГАҖнең 2015 елда эшчәнлеге нәтиҗәләре турныдагы матбугат конференциясендә белдерде. 

Матбугат конференциясе, гамәви акционерлык җәмгыяте акционерларының еллык җыелышы тәмамлангач, үтте. Анда "ТАИФ" ААҖ генераль директоры Альберт Шиһабетдинов, "Казаноргсинтез" ГАҖ Директорлар советы рәисе Руслан Шиһабетдинов, "Казаноргсинтез" ГАҖ генераль директоры Фәрид Миңнегулов катнаштылар. 

Бүген «Казаноргсинтез» ГАҖ акционерларының еллык җыелышы булып узды.

Чарада Татарстан Республикасы Президенты Рөстәм Миңнеханов катнашты.

2015 елдагы эшчәнлек йомгаклары турында «Казаноргсинтез» ГАҖ генераль директоры Фәрит Миңнегулов чыгыш ясады.

«Казаноргсинтез» ГАҖ 2015 ел йомгаклары буенча 2014 елга карата финанс нәтиҗәләрен яхшыртты, дип хәбәр итте генераль директор.

Татарстан Республикасы Муниципаль берәмлекләр советы муниципальара нәтиҗәле хезмәттәшлекне, дәүләт хакимияте органнары белән үзара багланышларны тәэмин итә. Бүген бу хакта Татарстан Республикасы Президенты Рөстәм Миңнеханов Казан Ратушасында Җирле үзидарә көненә һәм Татарстан Республикасы Муниципаль берәмлекләр советы гамәлгә куелуга 19 ел тулуга багышланган тантанада хәбәр итте.   

Рөстәм Миңнеханов билгеләп үткәнчә, 10 ел элек Татарстан Республикасы Муниципаль берәмлекләр советы төзү турында кабул ителгән карар дөрес булган. «Минемчә, бу дөрес карар булган, - диде ул. – Без  муниципалитетларыбыз белән элемтәләр алып барырлык орган оештырганбыз».

Татарстан Республикасы Премьер-министры Илдар Халиков бүген Казандагы "Цифрлы технологияләр үзәге" АҖнең прототиплау үзәгендә (Казан, Ак. Павлов ур., 2а й.) булды. Аны ТР вице-премьеры – ТР сәнәгать һәм сәүдә министры Альберт Кәримов, ТР икътисад министры Артем Здунов, республиканың сәнәгать предприятиеләре җитәкчеләре озата йөрде.

Җитештерү мәйданчыклары белән "Цифрлы технологияләр үзәге" АҖ генераль директоры Кирилл Колганов таныштырды.

Бүген бишенче чакырылыш Татарстан Республикасының Дәүләт Советы утырышында Татарстан Республикасы Президенты Рөстәм Миңнеханов ТР Дәүләт Советы рәисе Фәрит Мөхәммәтшинга республика парламентының “Парламентаризм үсешенә өлеш керткән өчен” мактау билгесен тапшырды.  

Искә төшерәбез, бу мактау билгесе 2015 елның апрелендә булдырылган иде.

Бүген Татарстан Республикасы Президенты Рөстәм Миңнеханов Torrey Pines Investment венчур компаниясенең (АКШ) идарәче партнеры Николай Савчук белән очрашты. 

Очрашу Татарстан Республикасы Хөкүмәте Йортында узды, анда Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Инвестицион үсеш агентлыгы җитәкчесе Талия Миңнуллина, Татарстан Республикасы Президентының халыкара мәсьәләләр буенча киңәшчесе Радик Гыйматдинов, «Татхимфармпрепараты» ААҖ генераль директоры Тимур Ханнанов һәм башкалар катнашты. 

Бүген Татарстан Республикасы Президенты Рөстәм Миңнеханов "Берләштерелгән судно төзү корпорациясе" АҖ (БСТ) президенты Алексей Рахманов белән очрашты. Алар Татарстан Республикасы сәнәгать предприятиеләренең БСТ судно төзү предприятиеләре белән кооперация мәсьәләләре турында фикер алыштылар.  

Очрашу ТР Хөкүмәте йортында узды.

Бүген Татарстан Республикасы Президенты Рөстәм Миңнеханов Казан Кремлендә Тюрингия (ФРГ) Ирекле дәүләте делегациясе әгъзалары белән очрашты. Ул билгеләп үткәнчә, делегация зур һәм аңа Тюрингия Хөкүмәте һәм Парламенты әгъзалары, сәнәгать предприятиеләре вәкилләре керә.

Сез Татарстанда булганда программагыз бай булды, нәтиҗәдә сез безнең төбәк белән өлешчә таныштыгыз, диде Рөстәм Миңнеханов, Тюрингия (ФРГ) Ирекле дәүләте Премьер-министры Бодо Рамелов әфәндегә мөрәҗәгать итеп.

Без Словения компанияләренең Россиядә эшләү өчен Татарстанны старт мәйданчыгы итеп сайлап алуларын телибез. Бүген бу хакта Татарстан Республикасы Президенты Рөстәм Миңнеханов Словения Республикасы Икътисадый үсеш һәм технологияләр министры Здравко Почивалшек җитәкчелегендәге Словения Республикасы делегациясе белән очрашуда хәбәр итте.    

Очрашу Казан Кремлендә узды. Татарстан Республикасы ягыннан очрашуда Татарстан Республикасы сәнәгать һәм сәүдә министрының беренче урынбасары Руслан Кәбиров, Туризм буенча Татарстан Республикасы Дәүләт комитеты рәисе Сергей Иванов, Татарстан Республикасы Инвестицион үсеш агентлыгы җитәкчесе Талия Миңнуллина, Татарстан Республикасы Дәүләт Советы Рәисе урынбасары Юрий Камалтынов, Татарстан Республикасы Президентының халыкара мәсьәләләр буенча киңәшчесе Радик Гыйматдинов катнашты.   

Бүген Татарстан Республикасының заманча җайланмаларга һәм сыйфатлы станок һәм инструмент продукциясенә җитди ихтыяҗы бар, һәм без Германиянең югары технологияле компанияләрен республика  территориясендә җитештерү урнаштыруга җәлеп итәргә телибез. Бүген бу хакта Татарстан Республикасы Президенты Рөстәм Миңнеханов Татарстан Машина төзү предприятиеләренең координацион советының дүртенче утырышында хәбәр итте.

Чара «Корстон» КСККда (Казан) узды, анда Тюрингия Ирекле Дәүләте Премьер-министры Бодо Рамелов та катнашты.