Чечен Республикасы Башлыгы Рамзан Кадыйров Татарстан Республикасы Дәүләт Киңәшчесе Минтимер Шәймиевны 85 яшьлеге белән котлады

Чечен Республикасы Башлыгы Рамзан Кадыйров Татарстан Республикасы Дәүләт Киңәшчесе, Республиканың беренче Президенты Минтимер Шәймиевне 85 яшьлеге белән котлады.

«Хөрмәтле Минтимер Шәрипович! Юбилеегыз уңаеннан иң ихлас котлауларны кабул итегез! Сез – бөтен бер дәверне чагылдыручы кеше, Сезнең искиткеч тормышыгызның кыйммәтләре – үз халкына хезмәт итү һәм биргән сүзендә тора белү. Үз көчегезне Сез иң кыю инициативаларны тормышка ашыруга, Татарстан Республикасының чәчәк атуына юнәлдердегез. Бу сыйфатлар сезгә ил җитәкчелеге, Сезнең төбәк халкы, хезмәттәшләрегез һәм дусларыгыз арасында зур абруй казандырды. Татарстан Республикасының беренче Президенты итеп сайлаган, Сез күп еллар дәвамында нәтиҗәле хезмәт иткән һәм хәтта вазыйфагыздан киткәч тә, якташларыгыз хакына актив эшчәнлек алып барасыз, Татарстанның тарихи һәм мәдәни һәйкәлләрен торгызу буенча республика фондының Попечительләр советын җитәкләп, республикада зур абруй казанасыз. Сезгә нык сәламәтлек, озын гомер һәм иминлек, барлык эшләрегездә һәм башлангычларда уңышлар, шатлык, тынычлык, бәхет телим», - диелә телеграмма текстында.