Алексей Песошин татарстанлыларны Космонавтика көне белән котлады
Татарстан Республикасы Премьер-министры Алексей Песошинның Космонавтика көне белән котлавы.
"Хөрмәтле татарстанлылар! Татарстан Республикасы Хөкүмәте һәм шәхсән үз исемемнән сезне Космонавтика көне белән котлыйм!
Космосны өйрәнү төрле фәнни һәм техник тармакларда алгарышны тәэмин итә, инвестицияләргә яңа ихтыяҗлар тудыра. Космик эшчәнлек шулай ук югары белем дәрәҗәсен тәэмин итүне таләп итә. Моннан тыш, космосны өйрәнү тулаем ил икътисадының драйверы булып тора, чөнки бу – иң югары технологияле тармакларның берсе.
Бу уңайдан Татарстанда безнең яшь буын танылган галимнәребез һәм практикларыбыздан эстафетаны лаеклы кабул итсен өчен шартлар тудырыла. Табигый фәннәр белән кызыксынучан балалар иртәгә, бәлки, иң мөһим ачышлар бусагасында торырлар. Бу мөһим миссияне укучылар белән бергә мәктәп һәм Кванториум, балалар иҗаты йортларындагы түгәрәкләр һәм секцияләр педагоглары башкара. Нәкъ менә алар яшьләрдә астрономия, физика, математика һәм башка төгәл фәннәргә мәхәббәт тәрбияли.
Кешелекнең үзе тудырган сәбәпләр – авырулар, конфликтлар аркасында килеп чыккан, шулай ук табигый күренешләргә бәйле яңа куркынычларны әйләнә-тирә дөнья турында белемнәребезне даими рәвештә киңәйтеп кенә үтеп чыгарга мөмкин. Галәмне танып белүнең төп максаты шунда да.
Барыгызга да нык сәламәтлек, бәхет, тынычлык һәм иминлек, яңа техник эшләнмәләр һәм фәнни казанышлар телим".