Татарстанлылар мөлкәт салымнарының яртысын диярлек түләгән инде
Татарстанлыларга 2,2 млн.сумнан артык салым хәбәрнамәсе җибәрелгән, алар буенча республика халкы 9,1 млрд. сум мөлкәт салымы түләргә тиеш - бу узган ел белән чагыштырганда 500 млн. сумга диярлек күбрәк. Бу хакта Татарстан Республикасы буенча Федераль салым хезмәте идарәсе җитәкчесе Марат Сафиуллин республика Хөкүмәте Йортында узган брифингта хәбәр итте.
"Без 9,1 млрд сум җыярга тиеш: бу транспорт - 5 млрд, ммөлкәткә салым - 2,8 млрд һәм җир салымы - 1,3 млрд сум. Моннан тыш, хәбәрнамәләргә 375 млн сум күләмендә физик затлар керемнәренә салым кертелгән. Бу салым агентлары тарафыннан салым тотып калынмаган кешеләр», - дип сөйләде ведомство башлыгы.
Шунысын да билгеләп үтәргә кирәк, җир салымы буенча исәпләүләр суммасы узган ел белән чагыштырганда 10%ка, мөлкәткә салым буенча - 11%ка, ә транспорт салымы буенча 2%ка арткан. Шул ук вакытта Татарстанда уртача түләүләр җир салымы буенча - 1276 сум, мөлкәт салымы буенча - 1802 сум һәм транспорт салымы буенча 4896 сум тәшкил итә.
Бүгенге көндә Татарстан халкы 2022 елда 4,8 млрд сум салым түләгән, бу 9,1 млрд сум күләмендә исәпләүләрнең яртысын тәшкил итә. "Без мөлкәт салымнарының яртысын диярлек җыйдык. Бу узган ел белән чагыштырганда 8%ка күбрәк", - дип белдерде Марат Сафиуллин.
Нотыкчы, Татарстанда мөлкәт салымнары буенча бурыч 1,5 млрд сумга кадәр кимегән, бу быелгы ел башына караганда 1,3 млрд сумга кимрәк, дип өстәде.
Татарстанда яшәүче 12 меңгә якын кешенең салым түләмәгәнгә күрә чит илгә чыгуы чикләнә. "Физик затларның мөлкәтенә һәм керемнәренә салымнарны вакытында түләмәүче гражданнарга Россиядән читкә чыгуга чикләүләр кертелергә мөмкин дип кисәтәсем килә", - дип искәртте Марат Сафиуллин.
Татарстан халкы мөлкәт салымын 2023 елның 1 декабренә кадәр түләп бетерергә тиеш.