Рөстәм Миңнеханов IPG Photonics компаниясе штаб-квартирасында булды

Бүген Татарстан Республикасы Президенты Р.Н. Миңнеханов IPG Photonics компаниясе штаб-квартирасында (Массачусетс, АКШ) булды.

Исегезгә төшерәбез, Рөстәм Миңнеханов эш визиты белән “Россия Инновацион атнасы” чараларында катнашу өчен Бостон шәһәренә (АКШ) килде.

IPG Photonics Директорлар советы рәисе Валентин Гапонцев кыскача тәкъдир белән чыгыш ясады, ул компанияне төзү тарихы һәм аның бөтендөнья базарына лазерлар чыгару турында сөйләде.

Компаниягә 1990 елда Валентин Гапонцев җитәкчелегендәге галимнәр төркеме тарафыннан нигез салынган. Бүген бу трансмилли фәнни-техник корпорация, компания бүлекчәләре 12 илдә эшләп килә, шул исәптән Япониядә, Көньяк Кореядә, Һиндстанда, Франциядә, Сингапурда һәм Бөекбританиядә, компаниянең җитештерү мәйданчыклары АКШта (Оксфорд), Германиядә (Франкфурт) һәм Россиядә (Фрязино) урнашкан.

Валентин Гапонцев хәбәр иткәнчә, компания лазер технологияләре булган җайланамаларны әзерләү, җитештерү һәм сату белән шөгыльләнә.2000 елга кадәр компания инвестицияләрдән файдаланмаган, үз һәм заем чаралары исәбенә үскән. 2000 елда беренче мәртәбә инвестицияләр җәлеп ителгән, 2006 гелдан алып IPG Photonics гавами акционер компаниягә әверелгән.

Компания капитализациясе 3 млрд. АКШ долларыннан артыграк.

Валентина Гапонцев сүзләренчә, бүген компания лазер технологияләре өлкәсендә беренче урында тора, җепсел лазерлар буенча бөтендөнья базарының 80%ын һәм тулаем лазерлар базарының 20%ын били.

Компания җитештерә торган җепсел лазерлар номенклатурасы 300 берәмлек тәшкил итә.

Лазер җайланмасы төрле тармакларда, шул исәптән авиасәнәгать, машина төзелеше, медицинада, телекоммуникацияләр өлкәсендә һәм башкаларда кулланыла .

Аерым алганда, IPG Photonics лазер технологияләре бүген “КАМАЗ” ААҖдә кулланыла.

Аннары Валентин Гапонцев Рөстәм Миңнеханов һәм аны озата баручы затлар өчен җитештерү һәм җыю мәйданчыклары буенча экскурсия уздырды, иң заманча лазер җайланмасының эшләвен күрсәтте.

Төгәлрәк - http://www.ipgphotonics.com/