БРИКС илләренең элемтә министрлары очрашуы Татарстанда узачак
26-27 сентябрь көннәрендә Иннополис шәһәрендә (Татарстан) илләрнең элемтә министрларының 10 нчы очрашуы һәм БРИКС Цифрлы форумы узачак. Ике вакыйга да Россиянең БРИКСтагы рәислеге кысаларында узачак. Форумда катнашучылар-дәүләт һәм бизнес вәкилләре, цифрлаштыру өлкәсендә экспертлар һәм мәгариф җәмәгатьчелеге вәкилләре.
Төп темалар: ясалма интеллект, цифрлы компетенцияләр, цифрлы инфраструктура. БРИКС министрлары очрашуы - ел саен үткәрелә торган чара, анда БРИКС илләре арасында цифрлы икътисад һәм мәгълүмати-коммуникацион технологияләр өлкәсендә тармак хезмәттәшлеген үстерү һәм киңәйтү мәсьәләләре карала. 10 нчы очрашуның төп темасы «Үзара бәйләнешкә каршы суверенитет: баланс эзләү». Аның йомгаклары буенча ЯА технологияләре өлкәсендә хезмәттәшлекнең төп принципларын, гомуми алымнарын һәм юнәлешләрен, цифрлы компетенцияләрне бергәләп үстерүне һәм үзара тануны һәм цифрлы инфраструктурага дискриминационсыз керүне тәэмин итүне чагылдырган декларация кабул ителәчәк. ММЧ аккредитациясе