Алексей Песошин: Зеленодольск районы 2024 ел йомгаклары буенча социаль-икътисадый үсеш рейтингында муниципалитетлар арасында - 15 нче урынны, АСК рейтингында 9 нчы урынны били
Бүген Татарстан Премьер-министры Алексей Песошин Зеленодольск муниципаль районы Советы һәм Зеленодольск шәһәре Советының уртак утырышында чыгыш ясаганда, районның һәм тулаем республиканың социаль-икътисадый үсешенә бәяләп бетергесез өлеш керткәннәре өчен Зеленодольск районында яшәүчеләргә рәхмәт белдерде.
Чара Зеленодольск Мәдәни үсеш үзәге мәйданчыгында узды. Утырышның төп темасы - Зеленодольск муниципаль районының 2024 елда социаль-икътисадый үсеш нәтиҗәләре һәм 2025 елга бурычлар.
Төп нотык белән Зеленодольск муниципаль районы башлыгы Михаил Афанасьев чыгыш ясады.
Татарстан Республикасы Премьер-министры шулай ук уртак тырышлык белән куелган барлык бурычлар да тормышка ашырылачагына ышаныч белдерде. "Барлык авырлыкларга да карамастан, республика икътисады үсеш темпларын саклап калды. Ел йомгаклары буенча тулаем төбәк продукты 5 трлн 203 млрд сумнан артып китте, сәнәгать җитештерүе индексы 105% тәшкил итте, төп капиталга инвестицияләр – 1,4 трлн сум. Инвестицион климат торышы буенча Татарстан тотрыклы рәвештә лидерлар өчлегендә - соңгы 6 ел дәвамында рәттән 2 нче урынны билибез. Икътисадның тотрыклы үсеше һәм федераль үзәк ярдәме нәтиҗәсендә республика төп инфраструктура проектларын гамәлгә ашыруны дәвам итә", - дип хәбәр итте Алексей Песошин.
Ул искәрткәнчә, илкүләм проектларда катнашу, 44 республика программасын гамәлгә ашыру 3 700дән артык социаль һәм инженерлык инфраструктурасы объектларын төзергә һәм ремонтларга мөмкинлек бирде. Бу мәктәпләр, балалар бакчалары, савыктыру лагерьлары, спорт һәм сәламәтлек саклау объектлары һәм башкалар. Дүртенче ел рәттән Татарстанда файдалануга тапшырылган торак күләме 3 млн кв. м дан артып китә узган елда бу 3,452 млн кв. м, шуларның 155 мең кв. м Зеленодольск районына туры килә. «Сезнең территориягезнең шәһәр яны торак төзелеше өчен кызыклы булуын исәпкә алып, район, Төзелеш министрлыгы һәм Киңлекләрне планлаштыру институты җитәкчелегенең игътибарын яңа төзелеш мәйданчыкларын алдан социаль, юл һәм коммуналь инфраструктура белән тәэмин итү зарурлыгына тагын бер кат юнәлтәм", - диде ул. Юллар хуҗалыгы өлкәсендә моңарчы күрелмәгән күләмдә 200 млрд сумнан артык эш башкарылган, инфраструктура программалары кысаларында Зеленодольск районында зур күләмдә эшләр башкарылган.
Алексей Песошин аерым хәбәр иткәнчә, быел Татарстан Республикасы бюджетыннан юл-урам челтәрен тәртипкә китерү өчен өстәмә акча бүлеп бирү планлаштырыла, шул исәптән Зеленодольск районына – 225,0 млн. сум.
«Өстәмә объектларны карау турында йөкләмә бирелде, – диде ул. - Аларны норматив хәлгә китерү буенча эш булачак». Моннан тыш, әйтелгәнчә, Горький исемендәге мәдәният, сәнгать һәм халык иҗаты үзәген ремонтлауга. Зеленодольск шәһәренә 500 млн сум җибәреләчәк, дип ассызыклады Алексей Песошин.
"Татарстан Рәисе салымнар буенча бурычларны киметү мәсьәләсен аерым контрольдә тота, - диде ул. - Сезнең район буенча бюджет алдында бурыч 362 млн сум тәшкил итә. Бу мөһим социаль проектларны финанслауның потенциаль чыганагы. Салым бурычын каплау буенча эшне көчәйтүегезне, шулай ук гражданнарга муниципаль һәм дәүләт хезмәтләрен алганда салымнар буенча бурычлары булу турында хәбәр итүегезне сорыйм».
ТР Премьер-министры хәбәр иткәнчә, Зеленодольск муниципаль районы 2024 ел нәтиҗәләре буенча социаль-икътисадый үсеш рейтингында муниципалитетлар арасында 15 нче урында. Тулаем территориаль продукт 94,3 млрд. сум тәшкил итә. Район икътисадының дүрттән бер өлешеннән артыгы сәнәгать предприятиеләре тарафыннан формалаштырыла, алар тарафыннан ел дәвамында 82 млрд.сумлык продукция җитештерелгән.
«Үз продукциягезне җитештерү күләме буенча сез республика буенча 6 нчы урында торасыз», - дип төгәллек кертте Алексей Песошин.
Зеленодольск суднолар төзү, хәрби-сәнәгать комплексы һәм машина төзелеше үзәге буларак билгеле. Зеленодольскның ике эре сәнәгать предприятиесе - "Позис" һәм Горькийи семендәге Зеленодольск заводы сәнәгать продукциясе күләменең яртысыннан күбрәген формалаштыручы, дәүләт оборона заказын уңышлы үтәү белән беррәттән, гражданлык билгеләнешендәге продукция җитештерү күләмнәрен дә арттыралар.
Авыл хуҗалыгы тармагының 2024 елгы эш йомгаклары буенча Татарстан Россия Федерациясендә сөт җитештерү буенча – 1 нче, бәрәңге җыю буенча – 2 нче, шикәр чөгендере җыю буенча – 7 нче, ит җитештерү буенча – 8 нче, ашлык җыю буенча – 10 нчы һәм яшелчәләр җыю буенча 11 нче урында, дип искәртте Алексей Песошин.
2024 елда авыл хуҗалыгына ярдәмгә республика һәм федераль бюджетлардан 13,6 млрд сум бүлеп бирелгән. агымдагы елда дәүләт ярдәме 14,7 млрд сум күләмендә каралган. Агросәнәгать комплексының тармак рейтингында узган ел йомгаклары буенча Зеленодольск районы 9 нчы урынны били. Шул ук вакытта кече хуҗалыкларны үстерү рейтингында район 39 нчы урында гына тора.
"Рейтингның түбән булуы әгъзаларны авыл хуҗалыгы кулланучылар кооперативларына җәлеп итү планының үтәлмәвенәбәйле, - дип саный Алексей Песошин. - Соңгы 2 елда Зеленодольск районы эшкуарлыкка ярдәм итү буенча грант программаларында катнашмады, димәк, фермер хуҗалыкларында терлекләрнең баш саны кимү күзәтелә». Шулай ук район территориясендә 5 мең гектардан артык файдаланылмый торган авыл хуҗалыгы җирләре бар, дип хәбәр итте Алексей Песошин.
"Гражданнарның реаль керемнәрен арттыру хакимиятнең барлык дәрәҗәләре өчен төп бурыч булып кала. Эшләүче гражданнарның реаль керемнәренең төп өлеше булып хезмәт хакы тора. Узган елның 11 аенда республикада уртача айлык хезмәт хакы 72 мең сум тәшкил иткән, Зеленодольск районында - 62,8 мең сум. шул ук вакытта районда яшәүче һәр кешенең дә мондый керем дәрәҗәсе юк», - диде ТР Премьер-министры. Балалы гаиләләрнең керем дәрәҗәсен характерлаучы күрсәткечләрнең берсе - керемнәре яшәү минимумыннан түбән булган гаиләләргә түләнә торган балага бердәм пособие алучылар саны.
«Сезнең районда 10 013 бала, бу гомуми балаларның 29%ы диярлек, бердәм пособие ала, бу республикадагы уртача күрсәткечтән югарырак, - диде Татарстан Республикасы Министрлар Кабинеты башлыгы. - Район җитәкчелегенә, предприятиеләр белән бергәләп, балалы гаиләләргә, бигрәк тә күп балалыларга аерым игътибар биреп, гражданнарның керемнәрен арттыру буенча максатчан эшне дәвам итәргә кирәк».
Торак-коммуналь хуҗалык мәсьәләләре аерым игътибар таләп итә. Узган елда республика халкының торак-коммуналь хуҗалык мәсьәләләре буенча шикаятьләре артты. Зеленодольск районы буенча да шундый хәбәр итүләр саны арткан. «Шикаятьләр нигездә гомумйорт мөлкәтен карап тотуга, күрсәтелә торган коммуналь хезмәтләрнең сыйфатына, идарәче оешмаларның эшенә, торак-коммуналь хезмәтләр өчен түләүләрне дөрес исәпләмәүгә, күп фатирлы йортларны карап тоту һәм агымдагы ремонтлауга, коммуналь инфраструктураны яңартуга карата», - дип искәртте Песошин.
Ул хәбәр иткәнчә, Татарстан Республикасы Рәисе кушуы буенча Хөкүмәт тарафыннан 10 млрд. сум финанслау белән «Коммуналь инфраструктураны модернизацияләү» дигән яңа программа формалаштырылган, моннан тыш, РФ бюджетыннан 1,6 млрд. сум бүлеп бирелә. "Сезнең районда быел әлеге программа буенча су белән тәэмин итү һәм су агызып чыгару челтәрләрен 310 млн.сумга реконструкцияләүне планлаштырабыз", - диде Алексей Песошин.
"Быел татар мәгърифәтчесе, кече Шыгырдан авылында туган танылган якташыгыз Каюм Насыйриның тууына 200 ел тулу билгеләп үтелә, - дип искәртте Татарстан Республикасы Министрлар Кабинеты башлыгы. - Нәкъ менә ул хәзерге татар әдәби теленә нигез салды. Ул матур әдәбият һәм халык авыз иҗаты, филология, педагогика, математика, тарих, география, биология, астрономия турында күп хезмәтләр авторы. Татарстан Республикасы Рәисе Указы һәм чаралар планы нигезендә төп бәйрәмнәр Зеленодольск районы территориясендә узачак».
Соңыннан Татарстан Республикасы дәүләт бүләкләре аеруча алдынгыларга тапшырылды.