Татарстан Республикасы Авыл хуҗалыгы һәм азык-төлек министрлыгы башлыгы терлек азыгы әзерләүнең барышы һәм авыл хуҗалыгы техникасын алдагы урып-җыюга әзерләү турында сөйләде
Бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров терлек азыгы әзерләүнең барышы һәм авыл хуҗалыгы техникасын алдагы урып-җыю кампаниясенә әзерләү турында сөйләде.
Киңәшмәне барлык муниципалитетлар белән видеоконференцэлемтә режимында Татарстан Премьер-министры Алексей Песошин уздырды.
Узган 2 атнада республиканың күп өлешендә яңгырлар яуды. Һава шартларын бөртекле культураларның үсүе һәм үсеше өчен уңайлы дип бәяләргә була: көчле эсселек һәм продуктив дым җитәрлек түгел. Бүген уңышны яклау һәм формалаштыру өчен актив чор бара. Министр чәчүлекләргә кичке һәм төнлә су сиптерергә, шулай ук умартачыларга башкарыла торган эшкәртүләр турында алдан хәбәр итәргә өндәде.
Терлек азыгы әзерләү эшләре дәвам итә. Бүгенгә 130 мең тонна печән (ихтыяҗдан 40%), 1 млн 312 мең тонна сенаж (40%) әзерләнгән. 1 шартлы терлеккә 9,8 ц азык берәмлеге яисә планның 25%ы туры килә.
Планлаштырылган 306 мең га күпьеллык үләннәрнең 246 мең га - планның 80%ы чаптырылган. Зеленодольск, Кукмара, Мамадыш, Тәтеш, Кайбыч һәм Алабуга районнарында күпьеллык үләннәрне 1 тапкыр чабу төгәлләнгән. Апас һәм Лениногорск районнарында тәмамланган диярлек. Шәхси ярдәмче хуҗалыкларда 239 мең тонна печән әзерләнгән, ягъни ихтыяҗның 42%ы. 2024 елның күчмә калдыгын исәпкә алып, халыкның азык белән тәэмин ителеше 57% тәшкил итә. Инде бүген үк Алабуга, Кайбыч, Кукмара, Тәтеш, Теләче районнарында шәхси хуҗалыкларны терлек азыгы белән тулысынча тәэмин иткәннәр.
Агымдагы чорга төп бурыч - комбайн паркын алдагы урып-җыю кампаниясенә әзерләү. 20 июньгә ремонтланырга тиешле 2500 ашлык җыю комбайнының 2250се ремонтланган, бу 90% чамасы. Тагын 300дән артык комбайнны әзерләп бетерәсе бар әле. 30 июньнән 4 июльгә кадәр авыл хуҗалыгы берәмлекләренең ашлык җыю комплексының әзерлеген комиссия аша кабул итү планлаштырыла.
Марат Җәббаров шулай ук 9 июльдән 11 июльгә кадәр «Казан Экспо» базасында «Агроидел-2025» халыкара агросәнәгать күргәзмәсе узачагын искәртте.