Татарстанда 162 күп фатирлы йортта капиталь ремонт тәмамланган, 628 йортта эшләр дәвам итә, үтәлеш 65% дип бәяләнә

Татарстан Республикасында күп фатирлы йортларга һәм социаль-мәдәни объектларга капиталь ремонт эшләре дәвам итә - ике атна эчендә өч республика программасы төгәлләнгән. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин китерде.

Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды. Киңәшмәдә Татарстан Республикасы Премьер-министрының беренче урынбасары Рөстәм Нигъмәтуллин катнашты.

Уку елы башланырга төгәл бер ай калды, дип искә төшерде нотыкчы. Бу датага барлык 213 мәгариф объектын ремонтларга кирәк. Әлеге объектларны ремонтлау дүрт республика һәм дүрт федераль программа паспортларына керә. Быел 33 мәктәп буенча эшләрнең гомуми үтәлеше 94% тәшкил итә. Бүгенгә 21 гомуми белем бирү оешмасы ремонтланган инде. Подряд оешмалары 44 мәктәп азык-төлек блогын ремонтлап бетергәннәр.

Программага барлыгы 74 азык-төлек блогы кертелгән, бүгенге көнгә үтәлеш 97% дип бәяләнә. Шулай ук соңгы ике атнада 5 балалар бакчасын ремонтлау эшләре төгәлләнгән. Подрядчылар темпларын сизелерлек арттырганнар - бүгенгә бу объектлар буенча эшләр башкару күрсәткече 93%ка җиткән.

Быел барлыгы 11 балалар бакчасы ремонтлана. Хисап чорында тапшырылган өч объектны исәпкә алып, 8 ресурс үзәген ремонтлау буенча программа чаралары 95%ка үтәлгән. Шулай ук бу ике атнада Чаллыда ремонтлана торган дүрт тулай торакның беренчесе тапшырылган. Программа чараларын үтәүнең агымдагы күрсәткече - 94%. Медицина учреждениеләрен ремонтлау зур темплар белән бара.

Быел ике республика программасы һәм илкүләм проект кысаларында барлыгы 226 сәламәтлек саклау объекты ремонтлана. Кукмара районында узган ярты айда соңгы объектны тапшырып, 56 балаларга сөт ризыгы өләшү пунктына капиталь ремонт программасы төгәлләнгән.

Фельдшер-акушерлык пунктларында ремонт тәмамланырга 1%тан да кимрәк калган. Подрядчыларга мондый типтагы нибары өч объектны тапшырырга кирәк. Быел барлыгы 117 ФАП ремонтлана. Соңгы ике атнада Чүпрәле һәм Кайбыч районнарында ике объект ремонтланган. Медицина стационарлары 58%ка ремонтланган. Хисап чоры Казанда 12 шәһәр сырхауханәсе һәм Чистай үзәк район сырхауханәсе тапшырылган. Шулай итеп, быелгы 19 программа объектының дүртесе төгәлләнгән.

Участок хастаханәләрен һәм амбулаторияләрне ремонтлау эшләре 97% дип бәяләнә. Подряд оешмалары 14 объектны ремонтлап бетергән, шул исәптән өч объект Кама Тамагы, Әлмәт һәм Биектау районнарында. Өч объектта эшләр дәвам итә. 17 поликлиникада ремонт эшләре 96%ка үтәлгән. Хисап чорында Казанда дүрт поликлиниканы тапшырылган һәм тәмамланган объектлар саны 13кә җиткән.

Мәдәният өлкәсендә дүрт республика һәм федераль программага кертелгән 27 объект яңартыла. Болар - 19 авыл мәдәният йорты, өч балалар сәнгать мәктәбе һәм башка биш тармак учреждениесе. Мәдәният йортларын ремонтлау буенча вәзгыять түбәндәгечә. 11 объект әзер, шул исәптән Мамадыш һәм Буа районнарындагы мәдәният йортлары, алар ике атна эчендә тапшырылган. Күрсәтелгән объектлар буенча эшләрнең гомуми күләме 96% тәшкил итә.

Мәдәният тармагының мәгариф учреждениеләрендә ремонт 92%ка башкарылган. Башка учреждениеләр буенча программа чараларын гамәлгә ашыру 53% тәшкил итә. Узган ике атнада Казанда һәм Мамадыш районында ике объект файдалануга тапшырылган.

Татарстан Республикасы Яшьләр эшләре министрлыгы белән берлектә 34 объектны ремонтлау чаралары гамәлгә ашырыла (биш республика һәм федераль программага керә). 13 балаларны савыктыру лагереның - 8е, Анапада урнашкан объектны да кертеп, бүгенгә тапшырылган. Гомумән алганда, төзелеш-монтаж эшләре 89%ка башкарылган.

Чаллыда узган ярты айда төзелеп беткән объектны исәпкә алып, сигез яшьләр үзәгеннән бишесе файдалануга тапшырылган. Подрядчылар гомуми эш күләменең 90%ы башкарган. Бу атнада Казанда психологик-педагогик ярдәм үзәге тапшырылган. Быел андый объектлар 9. Подрядчылар эшләорне 92%ка үтәү турында хисап тотканнар. Дүрт яшүсмерләр клубы ремонтында да программа чараларының 96%ы үтәлгән.

Татарстан Республикасы Хезмәт, халыкны эш белән тәэмин итү һәм социаль яклау министрлыгы карамагындагы программаларга 80 объект керә. Аларның күбесе - халыкны эш белән тәэмин итү үзәкләре, аларны ремонтлау «Кадрлар» илкүләм проектында каралган. Узган ярты айда 49 объектның 23е ремонтланган. Тулаем алганда үтәлеш 96% тәшкил итә.

Халыкка социаль хезмәт күрсәтү учреждениеләрен ремонтлау буенча республика программасы тәмамланырга 4% кала. Соңгы ике атнада Кукмара районында объект төзелеп беткән. Зеленодольск районында бары бер объект кына тапшырылмыйча калган.

«Экология» өлкәсендә гидротехник корылмаларны ремонтлау, күлләрне чистарту һәм елга үзәннәрен чистарту буенча ике программа гамәлгә ашырыла, аларга 21 объект кертелгән. Соңгы ике атнада Кукмара районында объект төзелеп беткән. Бүгенге көндә программа чараларын гамәлгә ашыру 85% тәшкил итә.

Башка ведомстволар белән бергә гамәлгә ашырыла торган программаларга килгәндә, монда вәзгыять шундый. 20 спорт объектының 12се төгәлләнгән. Бу санга хисап чорында тапшырылган дүрт объект керә. Бүгенгә программа чараларының 88%ы үтәлгән. Эчке эшләр министрлыгы линиясе буенча 28 объект ремонтлана. Тапшырылган 22 объект исәбенә Казандагы административ бина керә, аны подрядчылар соңгы ике атнада ремонтлап бетергән. Гомуми үтәлеш - 92%.

Гадәттән тыш хәлләр министрлыгы белән берлектә гамәлгә ашырыла торган программа чаралары 92%ка үтәлгән. Биш янгын сүндерү депосының өчесе тапшырылган. Моннан тыш, республикада 10 хәрби комиссариат ремонтланган. Тәтеш, Бөгелмә һәм Лениногорск районнарында өч объект – берсе хисап чорында ремонтланган. Гомумән алганда, 18 хәрби комиссариатта ремонт эшләре 78%ка башкарылган.

Росгвардия буйсынуындагы тагын җиде бина буенча 96% күрсәткечкә ирешелгән, шул исәптән бу атнада Чаллыдагы биналарны тапшыру хисабына.

Муниципаль архив биналарына капиталь ремонт программасы Әгерҗе районында соңгы объектны тапшырып тәмамланган. Алексеевск районында җәмәгать судьялары биналарына капиталь ремонт ясау программасы да соңгы объектны тапшырып төгәлләнгән.

Әйтик, балалар өчен сөт ризыкларын тарату пунктларына капиталь ремонт ясауның яңа программасын исәпкә алып, узган ярты айда инде өч республика программасы төгәлләнгән.

ТР төзелеш, архитектура һәм ТКХ министрының беренче урынбасары белгечләргә, җаваплы ведомстволарга һәм муниципаль берәмлекләргә җайга салынган һәм сыйфатлы эшләре өчен рәхмәт белдерде.

Аннары күп фатирлы йортларга капиталь ремонт ясау программасының барышы турында мәгълүмат бирелде. Быел аңа 42 муниципалитет керә. Узган ике атнада 10 муниципалитетта 30 күп фатирлы йортта ремонт эшләре төгәлләнгән. Шулай итеп, подрядчылар эшләрнең тәмамлануы турында хисап тоткан йортларның гомуми саны 162 тәшкил итә. 628 йорт ремонтлана. Бүгенге көнгә гомуми башкарылу 65%, сезонлы эш төрләре – 70% дип бәяләнә.

Шул ук вакытта 38 муниципаль берәмлектәге 256 күп фатирлы йортта сезонлы эш төрләре буенча графиктан калышу ачыкланган, үтәлеш 75%тан да кимрәк. Капремонт программасын вакытында һәм тулысынча тәмамлау өчен муниципаль районнар башлыкларына мәсьәләне шәхси контрольгә алырга кирәк, диде нотыкчы.