Алексей Песошинның Халыкара өлкәннәр көне белән котлавы
Татарстан Республикасы Премьер-министры Алексей Песошинның Халыкара өлкәннәр көне белән котлавы.
"Кадерле ветераннар, хөрмәтле өлкән буын вәкилләре!
Сезне чын күңелдән зирәклек һәм игелек бәйрәме белән котлыйм! Бүген без сезгә, хезмәтләре республикабыз байлыгының һәм чәчәк атуының нигезе булган кешеләргә, тирән ихтирамыбызны һәм рәхмәтебезне белдерәбез.
Сез - безнең бәһасез байлыгыбыз, традицияләрне һәм рухи кыйммәтләрне саклаучылар, үз тәҗрибәләрен яшь буыннарга тапшыручылар. Сезнең тормыш зирәклегегез, тырышлыгыгыз һәм хезмәт сөючәнлегегез тирән хөрмәткә лаек һәм безнең барыбыз өчен дә үрнәк булып тора.
Безнең республикада өлкән буынга ярдәм итү программалары гамәлгә ашырыла, тормыш сыйфатын яхшыртуга юнәлдерелгән социаль хезмәт күрсәтүләр үсә. Без сезнең тормышыгыз кайгыртучанлык, игътибар һәм җылылык белән тулы булсын өчен шартлар тудырырга омтылабыз.
Сезнең күбегезнең актив тормыш алып баруын, иҗтимагый эшчәнлектә катнашуын күрү сөендерә. Сезнең энергиягез һәм оптимизмыгыз безне яңа казанышларга рухландыра.
Тормышыгыз тыныч һәм шатлыклы, туганнарыгыз һәм дусларыгызның игътибары белән тулы булсын.
Чын күңелдән сезгә нык сәламәтлек, озын һәм бәхетле гомер, иминлек һәм җан тынычлыгы телим! Сезнең һәр көнегез якыннарыгызның кайгыртуы һәм җылысы белән тулып торсын!».