Татарстан Премьер-министрының беренче урынбасары Борис Павлов: “Инновацион икътисадның кадрлар белән тиешенчә тәэмин ителүе кирәк”

Татарстан Республикасы Премьер-министрының беренче урынбасары Борис Павлов өстәмә белем бирү буенча “Россия икътисады һәм мәгарифендә инновацион процесларның кадрлар белән тәэмин ителеше” дигән IX Бөтенроссия конференциясе һәм “Өзлексез белем бирү системасында социаль партнерлык” Бөтенроссия форумы эшендә катнашты.
Борис Павлов конференциядә катнашучыларны Татарстан Республикасы Премьер-министры Рөстәм Миңнеханов исеменнән истәлекле вакыйга белән котлады һәм инновацион үсеш юлына күчүнең, барыннан да элек, кешелек капиталына масштаблы инвестицияләр кертүгә бәйле булуын билгеләп үтте.
Форумны оештыручылар – Казан дәүләт технология университеты, Кадрлар әзерләүнең милли фонды, Россия сәнәгатьче һәм эшмәкәрләр союзы, Россия бизнес-белем бирү ассоциациясе, Татарстан Республикасы Мәгариф һәм фән министрлыгы, Татарстан Икътисад министрлыгы, Татарстан Республикасы Сәнәгать һәм сәүдә министрлыгы, Татарстан Республикасы Сәүдә-сәнәгать палатасы, эш белән тәэмин итүчеләрнең "Татарстан Республикасы предприятие һәм эшмәкәрләр ассоциациясе" төбәк берләшмәләре.
Борис Павлов Татарстан Республикасының инновацион үсеше предприятиеләрнең кадрлар белән тиешенчә тәэмин ителүен күздә тотуын әйтте. Хәзер республикада инновацион үсеш өчен яхшы алшартлар тудырылган, финанс һәм икътисади кризиска карамастан, аларны, предприятиеләр глобаль дәрәҗәдә уңышлы конкуренция алып бара алсын өчен, белеп тормышка ашыру мөһим.
“Республиканың социаль-икътисади үсеш стратегиясенә нигезләнеп, якындагы елларда без белемнәр икътисады буларак, инновацион икътисад фундаментын тулы күләмдә булдырырга тиешбез”, - диде Татарстан Республикасының беренче вице-премьеры. Югары конкурентлык мөмкинлекләре булган икътисад формалаштыруны тәэмин итә торган стратегияне уңышлы тормышка ашыру өчен, фәнни яңалыкларны эшкә җигеп эшләүне таләп итә торган югары өстәмә кыйммәтле продукция җитештерү мөмкинлеге булган югары нәтиҗәле эш урыннарын булдырырга кирәк. Эшкә ала торган предприятиеләр катнашында уку йортын тәмамлаучыларның һөнәри компетенцияләре үсеше белән идарә итү Татарстан Республикасындагы һәр югары уку йортының белем бирү процессы өлкәсендә кертелергә тиеш, һәм бу юнәлештә беренче адым ясалган инде”, - дип саный Борис Павлов.
Ул А.Н.Туполев исемендәге Казан дәүләт техника университетының уку-проект әзерлеге тәҗрибәсен һәм нәтиҗәләрен билгеләп үтте. Анда полипрофессиональ укыту-проект төркемнәрендә белгечләрне проектлы әзерләү концепциясенең нәтиҗәсе булып, предприятие һәм оешмаларны инновацион продукция уйлап табу, җитештерү һәм базарга чыгару белән бәйле бөтен мәсьәләләр комплексын башкарып чыга алырлык, урта һәм югары махсус белемле төрле профильдәге белгечләрнең проектлы-ориентацияле командалары рәвешендә кадрлар белән тәэмин итү тора.
Татарстанның беренче вице-премьеры хәзер заманча инновацион икътисадның, беркайчан да булмаганча, югары квалификацияле белгечләргә ихтыяҗы зур булуын ассызыклап китте. Кешелек потенциалы – бик көчле конкуренцияле өстенлек һәм кешелек капиталына инвестицияләр кертү дөньядагы бөтен алдынгы илләр дәүләт сәясәтенең төп бурычы булып тора.
Конференция һәм форум кысаларында түбәндәге темалар турында фикер алышу планлаштырыла: югары уку йортларындагы өстәмә һөнәри белем бирү структуралары эшләвенең нәтиҗәлелеге, Россия югары мәктәбе фәнни һәм фәнни-педагогик хезмәткәрләренең сыйфаты ягыннан составын арттыруда өстәмә һөнәри белем бирүнең роле.
Конференция һәм форум эшендә һөнәри белем бирү мәгариф учреждениеләре вәкилләре, Россиянең алдынгы компанияләре – “Газпром” ААҖ, “Сибур” ААҖ, “Татнефть” ААҖ, “Лукойл” ААҖ, “Роснефть” ААҖ вәкилләре катнаша.