Россия Федерациясе Элемтә һәм массакүләм аралашу министрлыгы белән Татарстан Республикасы Министрлар Кабинеты арасында мәгълүмати ярдәм итешү турында Килешү төзелде

Татарстан Республикасында сабан культураларын чәчү актив фазада бара. Бүгенгә 1 млн. 38 мең га чәчелгән, бу планнан 61%. Бу хакта бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров хәбәр итте. Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.

Татарстанда 16 майга 1 млн 840 мең кв. м торак файдалануга тапшырылган, план 58%ка үтәлгән. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне ТР Премьер-министры Алексей Песошин үткәрде.

Бүген Казан Кремлендә Россия Федерациясе Хөкүмәте Рәисе урынбасары Марат Хөснуллин һәм Таҗикстан Премьер-министры Кохир Рәсүлзодә - Россия Федерациясе һәм Таҗикстан Республикасы арасында Икътисадый хезмәттәшлек буенча хөкүмәтара комиссия рәистәшләре очрашты. Очрашуда Татарстан Рәисе Рөстәм Миңнеханов катнашты.

Татарстан Премьер-министры Алексей Песошин һәм Аккредитацияләү буенча федераль хезмәт җитәкчесе Дмитрий Вольвач Хәләл индустрияне үстерү өлкәсендә хезмәттәшлек итү турында килешүгә кул куйдылар. Чара KazanForum кырларында узды.