Казанда бадминтон буенча Европа чемпионаты башланды

2014 елның 23 апреле, чәршәмбе
Казанда Гимнастика үзәгендә бадминтон буенча XXIV Европа чеемпионаты башланды. Турнир ачылышының рәсми тантанасында ТР Премьер-министры Илдар Халиков, ТР яшьләр эшләре һәм спорт министры урынбасары Хәлил Шәйхетдинов, Россия милли бадминтон федерациясе президенты Сергей Шахрай һәм Европа бадминтон конфедерациясе генераль секретаре Брайен Агербак катнашты.

Татарстан Хөкүмәте башлыгы Европа чемпинатында катнашучыларны һәм кунакларны сәламләде. “Спортчылар арасында Универсиадада катнашучыларның булуына шатмын”, дип белдерде ул һәм аларга турнирда җиңүләрен теләде.

Брайен Агербак сүзләренчә, Казан Европа чемпионатын уздыру урыны буларак сайлап алынган, чөнки монда барлык шартлар да бар.

“Хәзер без спортчылардан, тренерлардан, волонтерлардан уңай сүзләр ишетеп, Казанны сайлауның дөрес булуына ышандык”,- диде Брайен Агербак.

Искә төшерәбез, чемпионат Казанда 27 апрельгә кадәр барачак. Ярышларда 36 илдән 250 дән артык спортчы катнаша.
“Татар-информ” МА
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International