РФ сәламәтлек саклау министры Казанда “Медицина фәне үзәге” медицина симуляторларының инжиниринг үзәгендә булды

РФ сәламәтлек саклау министры Вероника Скворцова “Медицина фәне үзәге” медицина симуляторларының инжиниринг үзәгенддә булды.

Искә төшерәбез, Россия сәламәтлек саклау министры Казанда эшлекле сәфәрдә (2014 елның 13-14 мае), аның сәфәренең максаты – Казан дәүләт медицина университетының 200 еллыгына багышланган чараларда катнашу.

Вероника Скворцованы РФ сәламәтлек саклау министры урынбасары Айрат Фәррахов, Татарстан Премьер-министры Илдар Халиков, ТР Президентының социаль мәсьәләләр буенча ярдәмчесе Гадел Вафин катнашты.

Региональ инжиниринг үзәгенең төп максаты – Россия төбәкләрендә симуляция үзәкләрен булдыру аша, РФ сәламәтлек саклау системасын модернизацияләү өчен кирәкле булган 32 белгечлек буенча медицина симуляторларын апробацияләү һәм эшләү.

Бу үзәктә Вероника Скворцовага “Эшләнмәләр һәм инженерия” махсус лабораториядә башкарылган яңа эшләнмәләрне күрсәттеләр.

Икенче “Клиник очраклар һәм методика” лабораториясендә министрга медицина симуляторларының төп юнәлешләр - лапароскопия, ангиография, эндоурология, гинекология буенча эшләвен күрсәттеләр.

Вероника Скворцова бу үзәкнең проектын югары бәяләде һәм бу эшләнмәләрне бөтен Россия буенча тиражын билгеләргә тәкъдим итте.