ТР Хөкүмәте Йортында ТР делегациясенең Кытайга булган сәфәренә йомгак ясадылар

Бүген ТР Министрлар Кабинетындагы брифингта ТР Президенты Рөстәм Миңнеханов рәислегендә ТР делегациясенең Кытайга сәфәренә йомгак ясалды.

ТР Премьер-министры урынбасары – ТР сәнәгать һәм сәүдә министры Равил Зарипов искәртеп үткәнчә, 20 нче майда Шанхайга сәфәре кысаларында ТР Президенты Рөстәм Миңнеханов Россия делегациясе составында РФ Президенты Владимир Путинның Кытай Халык Республикасы Рәисе Си Цзиньпин белән очрашуында катнашты.

Владимир Путин һәм Си Цзиньпин барында ТР Хөкүмәте һәм Хунань Хөкүмәт провинциясе арасында сәүдә-икътисади, фәнни-техник һәм мәдәни хезмәттәшлек турында килешү имзаланды. Документка ТР Президенты Рөстәм Миңнеханов һәм провинциянең губернаторы Хунань Ду Цзяхао кул куйды.

“Әлеге килешү, барыннан да бигрәк, машина төзелеше, химия һәм нефть химиясе кебек юнәлешләрне үз эченә ала”, - диде Р.Зарипов.

Ул шулай ук билгеләп үткәнчә, Хунань провинциясе Кытайның көньяк-көнчыгыш өлешендә иң эре провинция булып тора. Үткән елда провинциянең тулай төбәк продукты 500 млрд. доллар тәшкил иткән, төбәкнең халкы - 72 млн. кеше. “Хәзер без имзаланган килешүне машина төзелеше, химия һәм нефть химиясе өлкәсендә конкрет проектлар белән баету турында сөйләшүләр алып барабыз”, - диде ТР сәнәгать һәм сәүдә министры.

ТР Инвестицион үсеш агентлыгы җитәкчесе Линар Якупов ТР делегациясенең Циндао шәһәренә сәфәренә тулырак тукталды. Ул билгеләп үткәнчә, Рөстәм Миңнехановның Циндао шәһәре партия комитеты беренче секретаре – Шаньдун провинциясе партия комитеты әгъзасы Ли Цюнь белән очрашуында хезмәттәшлекнең перспектив юнәлешләре сөйләшенде. Татарстан территориясендә тормышка ашырыла торган “Haier” компаниясе проекты төп тема булды.

“Haier” җитештерү мәйданчыгы Яр Чаллыда “Мастер” КИП терртиориясендә 27 мең кв.метрда урнашачак. 350 югары җитештерүчән эш урыны булдыру көтелә. Беренче этапта инвестицияләрнең гомуми күләме якынча 60 млн. доллар булачак, 250 мең суыткыч җитештерү планлаштырыла, аны икенче этапта 500 меңгә кадәр җиткерү көтелә”, - дип сөйләде Л.Якупов.

Аның сүзләренчә, продукция Россиянең башка төбәкләренә, Таможня берлеге илләренә җибәреләчәк. ТР Инвестицион үсеш агентлыгы җитәкчесе билгеләп үткәнчә, Циндао шәһәре партия комитеты беренче секретаре белән очрашуда туризм, делегацияләр һәм студентлар белән алмашу өлкәсендә хезмәттәшлек мәсьәләләре дә каралды.

“Кытай Россиянең стратегик партнерына әйләнә. Ирекле рәвештә кытай телендә аралашучы һәм бизнес өлкәсендә безнең мөнәсәбәтләрне үстерү өчен кирәкле икътисади белемнәре булган кешеләр җитми. Шуңа күрә, ТР Президенты билгеләп үткәнчә, Татарстан студентларының Кытай университетларында белем алулары һәм эшләү өчен, Кытайдан компанияләр белән кайтулары мөһим”, - диде Л.Якупов.

Л.Якупов игътибар иткәнчә, бүгенгә Татарстанда Кытайдан 320ләп студент белем ала. Бу ике яклы процесс булырга тиеш, дип ассызыклады ул, Кытайның һәр провинциясендә төрле юнәлеш буенча белгечләр әзерли торган үз университеты бар, диде Л.Якупов.