Илдар Халиков Чистай районы башкарма комитетының яңа башлыгын тәкъдим итте

Бүген Чистай муниципаль районы Советының чираттан тыш 38 нче утырышы узды, анда Татарстан Премьер-министры Илдар Халиков катнашы. Сессиядә депутатлар муниципаль район башлыгы Илдус Әхмәҗанов һәм башкарма комитет җитәкчесе Марат Гобәевның вәкаләтләре вакытыннан алда туктатылу мәсьәләсен карадылар.

Чистай муниципаль районы Советы һәм Чистай шәһәре Советы депутатлары Илдүс Әхмәтҗановның вәкаләтләрен туктатты, чөнки ул Татарстан Республикасы Дәүләт Советы депутаты итеп сайланды.

Чистай районы башкарма комитеты җитәкчесенең беренче урынбасары итеп ТР Хайваннар дөньясын саклау һәм алардан файдалану идарәсенең элеккеге башлыгы Дмитрий Иванов билгеләнде. Илдар Халиков депутатларга Дмитрий Ивановка, муниципаль берәмлек башкарма комитеты җитәкчесе вазифаларын башкаручы вәкаләтләрен тапшыру өчен, тавыш бирергә тәкъдим итте.

Депутатлар Татарстан Президенты Рөстәм Миңнехановның Дмитрий Ивановка район башкарма комитеты җитәкчесе вазифаларын башкаручы вәкаләтләрен бирү турындагы карарын бертавыштан хупладылар. Муниципаль район башкарма комитетының элекке җитәкчесе үз вазифаларыннан үз теләге белән китте.

Илдар Халиков Илдус Әхмәтҗановның Чистай районы башлыгы урынындагы эшчәнлеген югары бәяләде."Шәһәр һәм районны социаль-икътисади яктан үстерү, аның территориясендә төрле федераль һәм республика программаларын тормышка ашыру буенча зур эшләр башкарылды", - диде ул.
ТР Премьер-министры Илдус Әхмәтҗановка "Татарстан Республикасында җирле үзидарәне үстерүдәге казанышлары өчен" медален тапшырды.

Районның инде элеккеге башлыгы Татарстан Хөкүмәте җитәкчесенә үз хезмәтен югары бәяләгән өчен рәхмәт белдерде һәм аңа "Чистай шәһәре каршындагы казанышлары өчен" дигән күкрәк билгесен тапшырды.

Дмитрий Иванов 2010-2014 елларда муниципаль район башкарма комитеты җитәкчесе булып эшләгән. Ә соңгы вакытларда ул ТР Хайваннар дөньясын саклау һәм алардан файдалану идарәсен җитәкләгән.