Зәй районы башкарма комитеты җитәкчесе вазифаларын башкаручы итеп Разиф Кәримов билгеләнде

2014 елның 22 сентябре, дүшәмбе
Бүген, 22 сентябрьдә, Зәйдә район Советының чираттан тыш утырышы узды. Утырышта төп мәсьәлә буларак район башкарма комитеты җитәкчесе Айрат Бариев һәм район башлыгы Татьяна Воропаева вәкаләтләренең туктатылуы каралды. Анда ТР Премьер-министры Илдар Халиков катнашты, ул башта “Зәй шикәре” ААҖ дә булды һәм очрашуда катнашучыларга Зәй муниципаль районы башкарма комитеты җитәкчесе вазифаларын башкаручыны тәкъдим итте.

Илдар Халиков Татарстан Президенты Рөстәм Миңнеханов исеменнән Татьяна Воропаевага нәтиҗәле һәм намуслы эше өчен рәхмәт белдерде.
"Халык ышанычы – сезнең төп казанышыгыз,бу сезнең хезмәтне бәяләүләрен раслый. Сез Зәй районы республикада алдынгы районнарның берсенә әверелсен өчен күп көч куйдыгыз”,- дип мөрәҗәгать итте Илдар Халиков Татьяна Воропаевага.

ТР Хөкүмәте башлыгы Татьяна Воропаевага, Татарстан Президенты кушуы буенча, “Татарстан Республикасында җирле үзидарәне үстерүдәге казанышлары өчен” медален, ә башкарма комитет җитәкчесе вазифасыннан киткән Айрат Бариевка Рәхмәт хатын тапшырды. Шулай ук Татьяна Воропаевага “Зәй муниципаль районыныңМактаулы гражданы” исеме бирелде.

Илдар Халиков тәкъдиме белән район советы депутатлары район башкарма комитеты җитәкчесе вазифаларын башкаручы итеп, моңа кадәр Казан сөт комбинаты - "Просто молоко" идарәче компания" ҖЧҖ филиалын җитәкләгән Разиф Кәримовны сайладылар.
“Яңа Зәй” МА материаллары буенча
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International