Казанда “Дортрансэкспо-2014” күргәзмәсе ачылды

Бүген “Казан ярминкәсе” күргәзмәләр комплексында “Дортрансэкспо” 14нче махсуслаштырылган күргәзмәсе үзенең эшен башлады. Ачылыш тантанасында Татарстан Премьер-министры Илдар Халиков катнашты.

Күргәзмә эшендә Казан, Татарстан һәм Россия Федерациясенең 10 төбәгеннән 56 компания катнаша. Күргәзмәдә юл-төзелеш, коммуналь хуҗалыкның махсус техникасы, юл инфраструктурасы объектлары, фәнни эшләнмәләр тәкъдим ителгән. Шулай ук күргәзмә кысаларында World Skills стандартлары буенча эшче профессияләренең һөнәри осталыклары конкурсы узачак.

Күргәзмә кунакларын һәм анда катнашучыларны сәламләп, Илдар Халиков юл хезмәткәрләрен һөнәри бәйрәмнәре белән котлады һәм нәтиҗәле эшләре өчен рәхмәт белдерде. “Татарстан Президенты тарафыннан куелган барлык бурычлар үз вакытында һәм югары сыйфатлы итеп үтәлгән”, - дип ассызыклады ул.

Илдар Халиков билгеләгәнчә, бу зур бурычлар заманча техника һәм технологиядән башка хәл ителә алмас иде. “Универсиадага әзерлек күрсәткәнчә, бары тик заманча технологияләр генә кирәкле сыйфатны һәм эшләрнең башкарылу тизлеген тәэмин итәргә мөмкинлек бирә. Бүгенге күргәзмә – безнең юл хезмәткәрләре өчен бу тармакта барлыкка килгән яңалыкларны күрү мөмкинлеге”, - дип белдерде ул.

ТР транспорт һәм юл хуҗалыгы министры Ленар Сафин “Күргәзмәнең иң яхшы продукты” конкурсы лауреатларына бүләкләр тапшырды, аннан соң дәрәҗәле кунаклар символик тасманы кистеләр һәм күргәзмә экспозициясен карадылар.