Татарстан Президенты Рөстәм Миңнеханов "Татнефтехиминвест-холдинг" ААҖ Директорлар советының чираттагы утырышын уздырды
Бүген Казанда ТР Хөкүмәте йортында Татарстан Президенты Рөстәм Миңнеханов рәислегендә “Татнефтехиминвест-холдинг” Директорлар советы утырышы узды.
“КАМАЗ” ААҖ фәнни-техник үзәкнең автомобиль агрегатлары һәм махсус техника буенча баш конструкторы Андрей Савинков, аерым алганда, электромобиль транспорты үсеше турында белдерде. Сүз аккумляторлары троллейбус челтәрләренең база станциясендә зарядка ала торган экологик яктан чиста автобуслар булдыру турында сүз бара. Шулай ук кече электробуслар төзү ниятләнә.
Рөстәм Миңнеханов, төп проблема батареяларда, алар авыр һәм кыйммәт дип билгеләп үтте һәм ягулык элементларына игътибар итәргә тәкъдим итте. Ул шулай ук композит материаллардан кузовлар ясау проблемасын күтәрде, бу аларның авырлыгын 25 процентка киметү иде. Аның сүзләренә караганда, моның өчен “Татнефть” “Алабуга” МИЗ да төзегән пыяла сүс заводын җәлеп итәргә мөмкин.
«ICL-КПО ВС» компаниясенең Казандагы ААҖ генераль директоры Виктор Дьячков мәгълүмат технологияләрендә импортны алмаштыру мөмкинлекләре турында сөйләде. Компания IT-хезмәтләрнең тулы спектрын күрсәтә һәм компьютер техникасының тулы линейкасын җитештерә. Күптән түгел «ICL-КПО ВС» Казан янында, ягъни Усад авылында яңа завод төзеде. Татарстан Президенты республиканың эре предприятиеләре IT-хезмәтләренә импортны алмаштыру буенча «ICL-КПО ВС» белән уртак программа эшләргә тәкъдим итте һәм мәгълүмат куркынычсызлыгына аерым игътибар бирүне сорады.
Утырышта Татарстанның кече һәм урта предприятиеләре эшкәртү өчен әзерли торган углеводород чималын һәм нефть химиясе продукциясе исемлеген раслады. «Татнефтехиминвест-холдинг» генераль директоры Рафинат Яруллин билгеләп узганча, «Татнефть», «Казаньоргсинтез» һәм «Нижнекамскнефтехим» үз бурычларын үтәде, әмма бутадиен, окись, пропилен кебек кайбер нефть продуктлары буенча дефицит бар. Бигрәк тә альфа-олефинга ихтыяҗ зур.
“Үзебездә күбрәк эшкәрткән саен, республика да ота һәм җитештерүчеләрнең дә гарантияләнгән ихтыяҗы булачак, - дип шәрехләде Татарстан Президенты.
Г.К.Боресков исемендәге Катализм институты директоры Валентин Пармон 2015 елда Казанда катализм буенча EuropaCat-XII Европа конгрессын үткәрү турында сөйләде. Аның сүзләренә караганда, бу Европа химик компанияләренең һәм химик-каталитикларның иң мөһим чарасы. Конгресс ике елга бер тапкыр Европа каталитиклар җәмгыятьләр федерациясе карары буенча оештырыла, әлегә Россиядә үткәрелгәне юк. Зур көндәшлек шартларында Казан кандадатурасын этәрүгә Татарстан Президентының конгрессны оештыруны шәхсән контрольда тотуга әзерлеге йогынты ясаган.