ТР Хөкүмәте йортында авыл хуҗалыгы продукциясе, чимал һәм азык-төлек базарларын контрольдә тоту буенча оператив штаб утырышы узды

Бүген ТР Хөкүмәте йортында Татарстан Республикасы территориясендә авыл хуҗалыгы продукциясе, чимал һәм азык-төлек базарлары торышын контрольдә тоту буенча оператив штаб утырышы узды.

Утырышны Татарстан Республикасы Премьер-министры вазифаларын башкаручы Алексей Песошин уздырды. Оператив штаб әгъзалары төп туклану продуктларына бәяләр үзгәрү һәм шуңа бәйле рәвештә барлыкка килгән вәзгыять хакында фикер алыштылар.

Утырыш барышында Алексей Песошин республикада төп туклану продуктларына даими бәяләр мониторингы алып барыла, дип хәбәр итте. Азык-төлек продуктларына бәяләр мониторингы ТР Сәнәгать һәм сәүдә министрлыгы, ТР Авыл хуҗалыгы һәм азык-төлек министрлыгы, Татарстанстат һәм муниципаль берәмлекләр башкарма комитетлары ярдәмендә икътисади һәм социаль тикшеренүләр үзәге тарафыннан ясала, дип искә төшерде ул.

Алексей Песошин шулай ук хәбәр иткәнчә, Татарстан Республикасы прокуратурасы Монополиягә каршы федераль хезмәтнең ТР буенча идарәсе белән бергә республика территориясендәге зур федераль сәүдә челтәрләрендә тикшерүләр уздырды.

Тикшерү нәтиҗәләре турында Татарстан Республикасы прокурорының беренче урынбасары Артем Николаев доклад ясады. Аның сүзләренчә, туклану продуктларына бәяләрне нигезсез арттыруны булдырмау өчен уздырылган. Артем Николаев бәяләрне арттырган сәүдә челтәрләре турында мисаллар китерде һәм шул сәбәпле кабул ителгән чаралар хакында хәбәр итте.

Авыл хуҗалыгы продукциясе базарындагы вәзгыять турында ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов сөйләде.
ТР сәнәгать һәм сәүдә министры урынбасары Рашат Фәттахов, ТР сәламәтлек саклау министры Гадел Вафин доклад ясады.