"Җиңү" республика хәйрия акциясенә ярдәм күрсәтик

2010 елның маенда илебез әһәмиятле вакыйга - 1941-1945 елгы Бөек Ватан сугышында Бөек Җиңүнең 65-еллыгын билгеләп үтәчәк. Татарстанда сугыш үз эзен калдырмаган бер генә гаилә дә юктыр. Татарстан Республикасында бүген 150 меңгә якын Ватан сугышы ветераны яши. Шуларның 13,5 меңе сугыш кырларында илебезне яклаган. Вакыт ветераннарыбызны кызганмый - сугыш вакыйгалары шаһитлары саны елдан-ел кими бара.

Безнең бүгенге максатыбыз - бөек вакыйганы лаеклы рәвештә каршы алу, 1941-1945 елгы Бөек Ватан сугышында Бөек Җиңүнең 65-еллыгын каршылау һәм бәйрәм итү буенча барлык планнарны да чынга ашыру. Әлеге дата алдыннан сугыш ветераннарының социаль-көнкүреш шартларының һәм медицина һәм мадди хезмәтләрнең яхшыруына игътибар итәсе килә. Өлкән кешеләргә психологик яктан да ярдәм күрсәтелә. Ялгыз ветераннарга аеруча зур игътибар бирелә. Әлеге чараларга бюджеттан акча бүленеп бирелү белән бергә "Ак Барс Созидание" хәйрия фондында "Җиңү" акциясе кысаларында хәйрия акчаларын җыю максаты белән махсус исәп-хисап счеты ачылган. Предприятиеләр, оешмалар һәм республика халкы Бөек Ватан сугышы ветераннарына түбәндәге реквизитлар буенча ярдәм күрсәтә ала:

40703810100020000999 в ОАО "Ак Барс" Банк
Корреспондентский счет 30101810000000000805
БИК 049205805
ИНН 1658079690
КПП 165701001
ОГРН 1061600052425
Түләүнең исеме – "Победа".

Татарстан Республикасы Министрлар Кабинеты "Җиңү" махсус исәп-хисап счетына бер көнлек хезмәт хакын күчерергә ниятли һәм республика халкын да әлеге чарага кушылырга чакыра.