Татарстан Республикасы Хөкүмәте

Рөстәм Миңнеханов Россиянең рәсми делегациясе составында Төркия Республикасына китте

2010 елның 11 мае, сишәмбе

Бүген Татарстан Республикасы Президенты Рөстәм Миңнеханов Россиянең рәсми делегациясе составында Төркия Республикасына китте. Делегацияне Россия Федерациясе Президенты Дмитрий Медведев җитәкли.

Татарстан Президенты ярдәмчесе Искәндәр Мөфлиханов хәбәр иткәнчә, Россия делегациясе визитының рәсми программасы иртәгә Төркия Республикасына нигез салучы Мостафа Кәмал Ататөрекнең мемориаль комплексы белән танышу һәм мемориалга чәчәкләр салудан башланып китәчәк.

Шуннан соң Төркия Президенты Абдуллаһ Гүл һәм Премьер-министр Рәҗәп Тайип Әрдоган белән сөйләшүләр планлаштырылган.
Россия һәм Төркия арасында сөйләшүләр үткәрү кысаларында берничә икътисади һәм сәяси документка кул кую, төбәкләрдәге проблемалар хакында фикер алышу күздә тотыла.

Барыннан да элек энергетика өлкәсендәге икътисади хезмәттәшлек, ике ил арасындагы виза режимын гамәлдән чыгару, куркынычсызлык проблемалары сөйләшүләрдәге төп мәсьәләләр булыр дип көтелә.

Россия-Төркия эшлекле форумында катнашу да планлаштырылган.

Форумда Татарстан Республикасы бизнес-бергәлеген “Татнефть” компаниясе һәм “Татнефть” ААҖ генераль директорының беренче урынбасары Наил Мәганов тәкъдим итә.

Төркия Республикасына сәфәр барышында Россия делегациясе Төркия Парламентында булыр һәм Төркия Парламенты рәисе Мәхмәт Али Шаһин белән очрашыр дип көтелә.

Искәртеп узабыз, Татарстан башлыгы Рөстәм Миңнеханов Россиянең рәсми делегациясе составында федерация субъектыннан бердәнбер вәкил.

"Татар-информ" мәгълүмат агентлыгы.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ