Илдар Халиков: “ТР Беларусь белән хезмәттәшлекне киңәйтү буенча ныклап кызыксына”

Татарстан Республикасы Беларусь белән хезмәттәшлекне киңәйтү буенча ныклап кызыксына. Бу хакта бүген Татарстан Премьер-министры Илдар Халиков Беларусь делегациясенең республикага визитының икенче көненә нәтиҗә ясаганда белдерде.

Бүген Премьер-министр Сергей Сидорский җитәкчелегендәге Беларусь Республикасы делегациясе Чаллыда булды, анда “КАМАЗ” ААҖ, «Мастер» Кама индустриаль паркы производство куәтләрен карады. Аннары делегация Алабугага китте, анда Сергей Сидорский белән ТР Премьер-министры Илдар Халиков тракторлар җитештерү буенча яңа производствоны эшләтеп җибәрү тантанасында катнашты.

“Бүген без элек Татарстан белән Беларусь Республикасы арасында имзаланган килешүләрнең гамәлгә ашырылуын күрдек, - диде Илдар Халиков завод ачу тантансыннан соң. – Без бу беркетмәләр һәм килешүләр тулысынча гамәлгә куелганын исбатлаучы мәйданда басып торабыз”.

Беларусь белән Татарстан арасындагы хезмәттәшлекнең күп кенә яңа юнәлешләре бар, дип билгеләп үтте Илдар Халиков. “Бу нефть химиясе – Татарстан предприятиеләре продукциясен куллану, “Татнефть” белән партнерлык – Беларусь территориясендә АЗС төзелеше, дип билгеләп үтте И.Халиков. – Бүген безне машина төзелеше, нефть химиясе өлкәләрендә хезмәттәшлек ныклы бәйләнештә тота.