Ленинград өлкәсе делегациясе Татарстан Республикасына сәфәр кыла

Бүген ТР сәнәгать һәм сәүдә министры Равил Зарипов Татарстан Республикасына килгән губернатор Валерий Сердюков җитәкчелегендәге Ленинград өлкәсе делегациясен озатып йөри.

Ленинград өлкәсе делегациясе визиты программасында – “Кызыл Шәрык - Агро” ААҖнең Әлки районындагы терлекчелек комплексында булу; социаль ипотека буенча төзелгән йортларны карау; Татарстан Республикасында Югыры медицина технологияләре мәгариф үзәгендә булу; Казан теннис академиясендә булу; “IT-парк”ы технопаркында булу. Шулай ук кунакларга “Электрон Хөкүмәт”, “Идея” технопаркы, “Электрон тауар-мәгълүмат системасы” һ.б. тәкъдим итәләр.

Шулай ук Татарстан Республикасы Президенты Рөстәм Миңнеханов һәм Татарстан Республикасы Дәүләт Советы Рәисе Фәрит Мөхәммәтшин белән очрашу көтелә, дип хәбәр итә республиканың Сәнәгать һәм сәүдә министрлыгы матбугат хезмәте.

Ленинград өлкәсе делегациясе составында: Ленинград өлкәсе губернаторы Валерий Сердюков, Законнар чыгару җыены рәисе Иван Хабаров, вице-губернатор – агросәнәгать һәм балык хуҗалыгы комплексы буенча комитет рәисе Сергей Яхнюк, тышкы икътисади һәм төбәкара элемтәләр комитеты рәисе Владимир Колесников, Волосов муниципаль районы хакимияте башлыгы Василий Рыжков, Кингисеп муниципаль районы хакимияте башлыгы Виктор Гешеле, “Синявино кошчылык фабрикасы” ЯАҖ Директорлар советы рәисе Никита Мельников, “Ручьи” ЯАҖ генераль директоры, Ленинград өлкәсе Законнар чыгару җыены депутаты – агросәнәгать һәм балык хуҗалыгы комплексы буенча даими комиссия рәисе Александр Трафимов, “Рапти” заводы” ЯАҖ Директорлар советы рәисе Виктор Санец, “Детскосельский” концерны җитәкчесе Юрий Брагинец.