Татарстан Республикасы Хөкүмәте

Рөстәм Миңнеханов Тыва Республикасына эш сәфәре кыла

2016 елның 30 июне, пәнҗешәмбе

Бүген Татарстан Республикасы Президенты Рөстәм Миңнеханов ике көнлек эш сәфәре белән Тыва Республикасына килде. Аны сәфәрендә Татарстан Республикасы Президенты Аппараты Җитәкчесе Әсгать Сәфәров, Туризм буенча Татарстан Республикасы Дәүләт комитеты рәисе Сергей Иванов, Татарстан Республикасы мәдәният министрының беренче урынбасары Эльвира Камалова, Татарстан Республикасы сәнәгать һәм сәүдә министры урынбасары Алмаз Хөсәенов һәм башкалар озата йөри.

Иртәгә, 2016 елның 1 июлендә, Рөстәм Миңнеханов Тыва Республикасы Башлыгы вазыйфаларын вакытлыча башкаручы Шолбан Кара-оол белән очрашырга ниятли. Очрашу барышында Татарстан Республикасы белән Тыва Республикасы арасында сәүдә-икътисадый, фәнни-техник, социаль һәм мәдәни хезмәттәшлек турында килешү имзаланчак.

Шулай ук Татарстан Республикасы Президентының эш сәфәре программасында «Азия Үзәге» скульптур комплексында һәм Туризм йортында булу да планлаштырылган.

ТР Президенты Матбугат хезмәте, Булат Низамиев.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

ТР Хөкүмәте Йортында узган брифингта Татарстанның Ватан геройларына ничек ярдәм итүе турында сөйләделәр

Бүген Татарстан Республикасы Хөкүмәте Йортында узган брифингта Ватан геройларына ярдәм чаралары һәм аларның батырлыклары турында хәтер саклау чаралары турында сөйләштеләр. Ватан геройлары өчен Татарстанда ярдәм чаралары комплексы булдырылган, ул натураль рәвештә ташламаларны да, акчалата түләүләрне дә үз эченә ала, дип хәбәр итте ТР хезмәт, эш белән тәэмин итү һәм социаль яклау министры Эльмира Зарипова.

декабрь, 2025 ел

Татарстанда 10 айда 339 млрд сумлык авыл хуҗалыгы продукциясе җитештерелгән, җитештерү индексы узган елга карата 107,1% тәшкил итә

Татарстанда 2025 елның 10 аенда 339 млрд сумлык авыл хуҗалыгы продукциясе җитештерелгән, җитештерү индексы узган елга карата 107,1% тәшкил итә. Мондый мәгълүматларны бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров китерде. Ул тармакны үстерү буенча эш һәм ел йомгаклары буенча көтелә торган нәтиҗәләр турында сөйләде. Киңәшмәне республиканың барлык муниципаль районнары белән видеоконференцэлемтә режимында ТатарстанРәисе Рөстәм Миңнеханов уздырды киңәшмәдә Татарстан Республикасы Премьер-министры Алексей Песошин катнашты.

Татарстанда 839 күп фатирлы йортта капиталь ремонт тәмамланган, 40 йортта эшләр дәвам итә

Бүген Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм торак-коммуналь хуҗалык министры Марат Айзатуллин Татарстанда күп фатирлы йортларны капиталь ремонтлау программасының ничек гамәлгә ашырылуы турында сөйләде. Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов үткәрде.

декабрь, 2025 ел

Татарстан Премьер-министры урынбасары Ләйлә Фазлыева Халыкара ихтыярыйлар көне белән котлады

Татарстан Премьер-министры урынбасары Ләйлә Фазлыева Халыкара ихтыярыйлар көне белән котлады. "Кадерле ихтыярыйлар! Татарстан Республикасы Хөкүмәте һәм шәхсән үз исемемнән сезне Халыкара ихтыярыйлар көне белән котлыйм!" - диелә телеграмма текстында.

ЯҢАЛЫКЛАРГА ЯЗЫЛУ